אידיש
1
אוּן עֶר הָאט מִיר גֶעוִויזְן אַ שְׁטְרָאם פוּן וַואסֶער פוּן לֶעבְּן, לוֹיטֶער וִוי קְרִיסְטָאל, וָואס אִיז אַרוֹיס פוּן דֶעם שְׁטוּל פוּן גָאט אוּן פוּן דֶעם לַאם,
2
אִין דֶער מִיט פוּן אִיר גַאס. אוּן אוֹיף דֶער זַייט אוּן אוֹיף יֶענֶער זַייט פוּן דֶעם שְׁטְרָאם אִיז גֶעוֶוען דֶער בּוֹים פוּן לֶעבְּן, וָואס הָאט גֶעטְרָאגְן צְוֶועלְף סָארְט פְרוּכְט, אוּן בְּרֶענְגְט זַיין פְרוּכְט יֶעדְן חוֹדֶשׁ; אוּן דִי בְּלֶעטֶער פוּן דֶעם בּוֹים זֶענֶען גֶעוֶוען פַאר דֶער הֵיילוּנְג פוּן דִי אוּמוֹת.
3
אוּן סֶע וֶועט מֶער נִישְׁט זַיין קֵיין אוּן דֶער שְׁטוּל פוּן גָאט אוּן פוּן דֶעם לַאם וֶועט זַיין דְרִינֶען, אוּן זַיינֶע קְנֶעכְט וֶועלְן אִים דִינֶען;
4
אוּן זֵיי וֶועלְן זֶען זַיין פָּנִים, אוּן זַיין נָאמֶען וֶועט זַיין אוֹיף זֵייעֶרֶע שְׁטֶערְנְס.
5
אוּן סֶע וֶועט מֶער נִישְׁט זַיין קֵיין נַאכְט, אוּן זֵיי בַּאדַארְפְן נִישְׁט קֵיין לִיכְט פוּן קֵיין לַייכְטֶער אָדֶער פוּן דֶער זוּן; וָוארִים גָאט, דֶער הַאר, וֶועט זַיין זֵייעֶר לִיכְט; אוּן זֵיי וֶועלְן הֶערְשְׁן אוֹיף אֵייבִּיק אוּן אֵייבִּיק.
6
אוּן עֶר הָאט צוּ מִיר גֶעזָאגְט: דִי דָאזִיקֶע רֵייד זֶענֶען בַּאגְלוֹיבְּט אוּן אֶמֶת. אוּן גָאט, דֶער הַאר, פוּן דִי גֵייסְטֶער פוּן דִי נְבִיאִים, הָאט גֶעשִׁיקְט זַיין מַלְאַךְ צוּ וַוייזְן זַיינֶע קְנֶעכְט דָאס, וָואס מוּז בְּקָרוֹב גֶעשֶׁען.
7
אוּן זֶע, אִיךְ קוּם בַּאלְד. וָואוֹיל אִיז דֶעם, וָואס הִיט אָפּ דִי רֵייד פוּן דֶער נְבוּאָה פוּן דֶעם דָאזִיקְן סֵפֶר.
8
אוּן אִיךְ, יוֹחָנָן, בִּין דֶער, וָואס הָאט גֶעהֶערְט אוּן גֶעזֶען דִי דָאזִיקֶע זַאכְן. אוּן בְּעֵת אִיךְ הָאבּ גֶעהֶערְט אוּן גֶעזֶען, בִּין אִיךְ אַנִידֶערְגֶעפַאלְן צוּ בּוּקְן זִיךְ פַאר דִי פִיס פוּן דֶעם מַלְאַךְ, וָואס הָאט מִיר דָאס גֶעוִויזְן.
9
אוּן עֶר הָאט צוּ מִיר גֶעזָאגְט: דוּ זָאלְסְט עֶס נִישְׁט טָאן! אִיךְ בִּין אַ מִיטְקְנֶעכְט מִיט דִיר אוּן מִיט דַיינֶע בְּרִידֶער, דִי נְבִיאִים, אוּן מִיט דִי, וָואס הִיטְן דִי רֵייד פוּן דֶעם דָאזִיקְן סֵפֶר. בּוּק דִיךְ צוּ גָאט!
10
אוּן עֶר הָאט צוּ מִיר גֶעזָאגְט: פַארְזִיגְלְט נִישְׁט דִי רֵייד פוּן דֶער נְבוּאָה פוּן דֶעם דָאזִיקְן סֵפֶר; וָוארִים דִי צַייט אִיז נָאעֶנְט.
11
דֶער, וָואס אִיז אוּמְגֶערֶעכְט, זָאל עֶר וַוייטֶער טָאן אוּמְגֶערֶעכְטִיקַייט; אוּן דֶער, וָואס אִיז אוּמְרֵיין, לָאז עֶר וַוייטֶער אוּמְרֵיין זַיין; אוּן דֶער, וָואס אִיז רֶעכְטְפַארְטִיק, לָאז עֶר טָאן רֶעכְטְפַארְטִיקַייט; אוּן דֶער, וָואס אִיז הֵיילִיק, זָאל עֶר זִיךְ וַוייטֶער הֵיילִיקְן.
12
זֶע, אִיךְ קוּם בַּאלְד, אוּן מַיין שְׂכַר אִיז מִיט מִיר, צוּ יֶעדְן אֵיינֶעם לוֹיט זַיינֶע מַעֲשִׂים.
13
אִיךְ בִּין דִי אַלֶף אוּן דִי תָּוו, דֶער עֶרְשְׁטֶער אוּן דֶער לֶעצְטֶער, דֶער אָנְהֵייבּ אוּן דֶער סוֹף.
14
וָואוֹיל אִיז דִי, וָואס וַואשְׁן זֵייעֶרֶע קְלֵיידֶער, כְּדֵי זֵיי זָאלְן הָאבְּן רֶעכְט צוּ דֶעם בּוֹים פוּן לֶעבְּן, אוּן זָאלְן אַרַיינְגֵיין דוּרְךְ דִי טוֹיעֶרן אִין דֶער שְׁטָאט אַרַיין.
15
דְרוֹיסְן זֶענֶען דִי הִינְט, אוּן דִי כִּישׁוּף מַאכֶערְס, אוּן דִי נוֹאָפִים, אוּן דִי רוֹצְחִים, אוּן דִי גֶעצְנְדִינֶער, אוּן יֶעדֶער אֵיינֶער, וָואס הְאט לִיבּ לִיגְנְט אוּן וָואס גִיט זִיךְ מִיט אִים אָפּ.
16
אִיךְ, יֵשׁוּעַ, הָאבּ גֶעשִׁיקְט מַיין מַלְאַךְ צוּ אַייךְ מִיט דֶעם דָאזִיקְן עֵדוּת פַאר דִי קְהִילוֹת. אִיךְ בִּין דֶער שׁוֹרֶשׁ אוּן דֶער שְׁטַאם פוּן דָוִד, דֶער גְלַאנְצְנְדִיקֶער מָארְגְנְשְׁטֶערְן.
17
אוּן דֶער גֵייסְט אוּן דִי כַּלָּה זָאגְן: קוּם. אוּן דֶער, וָואס הֶערְט, לָאז עֶר זָאגְן: קוּם. אוּן דֶער, וָואס אִיז דָארְשְׁטִיק, לָאז עֶר קוּמֶען; דֶער, וָואס וִויל, לָאז עֶר נֶעמֶען אוּמְזִיסְט דָאס וַואסֶער פוּן לֶעבְּן.
18
אִיךְ זָאג עֵדוּת יֶעדְן אֵיינֶעם, וָואס הֶערְט דִי רֵייד פוּן דֶער נְבוּאָה פוּן דֶעם דָאזִיקְן סֵפֶר: אוֹיבּ עֶמִיצֶער וֶועט מֶערְן צוּ זֵיי, דֶעם וֶועט גָאט מֶערְן דִי מַכּוֹת, וָואס זֶענֶען פַארְשְׁרִיבְּן אִין דֶעם דָאזִיקְן סֵפֶר;
19
אוּן אוֹיבּ עֶמִיצֶער וֶועט מִינֶערְן פוּן דִי רֵייד פוּן דֶעם סֵפֶר פוּן דֶער דָאזִיקֶער נְבוּאָה, דֶעם וֶועט גָאט מִינֶערְן זַיין חֵלֶק פוּן דֶעם בּוֹים פוּן לֶעבְּן אוּן פוּן דֶער הֵיילִיקֶער שְׁטָאט, וָואס זֶענֶען פַארְשְׁרִיבְּן אִין דֶעם דָאזִיקְן סֵפֶר.
20
דֶער, וָואס זָאגְט עֵדוּת אוֹיף דִי דָאזִיקֶע זַאכְן, זָאגְט: יָא, אִיךְ קוּם בַּאלְד. אָמֵן, קוּם הַאר יֵשׁוּעַ!
21
דֶער חֶסֶד פוּן דֶעם הַאר יֵשׁוּעַ זָאל זַיין מִיט אַייךְ אַלֶע. אָמֵן.