אידיש
1
אוּן נָאכְדֶעם הָאבּ אִיךְ גֶעזֶען אַן אַנְדֶערְן מַלְאַךְ אַרָאפְּנִידֶערְן פוּן הִימְל, וָואס הָאט גֶעהַאט גְרוֹיס מַאכְט; אוּן דִי עֶרְד אִיז בַּאלוֹיכְטְן גֶעוָוארְן מִיט זַיין הֶערְלֶעכְקַייט.
2
אוּן עֶר הָאט גֶעשְׁרִיגְן מִיט אַ שְׁטַארְקְן קוֹל, אַזוֹי צוּ זָאגְן: גֶעפַאלְן, גֶעפַאלְן אִיז בָּבֶל, דִי גְרוֹיסֶע, אוּן אִיז גֶעוָוארְן אַ וְואוֹינְאָרְט פוּן שֵׁדִים אוּן אַן אוֹיפְהַאלְט פוּן יֶעדְן אוּמְרֵיינֶעם גֵייסְט, אוּן אַן אוֹיפְהַאלְט פוּן יֶעדְן אוּמְרֵיינֶעם אוּן מִיאוּסְן פוֹיגְל.
3
וָוארִים דוּרְךְ דֶעם וַויין פוּן דֶעם גְרִימְצָארְן פוּן אִיר זְנוּת זֶענֶען אַלֶע אוּמוֹת גֶעפַאלְן; אוּן דִי מְלָכִים פוּן דֶער עֶרְד הָאבְּן מִיט אִיר מְזַנֶה גֶעוֶוען, אוּן דִי סוֹחְרִים פוּן דֶער עֶרְד זֶענֶען גֶעוָוארְן רַייךְ דוּרְךְ דֶער מַאכְט פוּן אִירֶע
4
אוּן אִיךְ הָאבּ גֶעהֶערְט אַן אַנְדֶער קוֹל פוּן הִימְל זָאגְן: קוּמְט אַרוֹיס פוּן אִיר, מַיין פָאלְק, כְּדֵי אִיר זָאלְט נִישְׁט הָאבְּן קֵיין שׁוּם חֵלֶק אִין אִירֶע זִינְד, אוּן כְּדֵי אִיר זָאלְט נִישְׁט קְרִיגְן פוּן אִירֶע מַכּוֹת;
5
וָוארִים אִירֶע זִינְד הָאבְּן אוֹיךְ דֶערְגְרֵייכְט בִּיז צוּם הִימְל, אוּן גָאט הָאט גֶעדֶענְקְט אִירֶע אוּמְגֶערֶעכְטִיקַייטְן.
6
אִיר אַזוֹי וִוי זִי הָאט , אוּן אוּן טָאפְּלְט לוֹיט אִירֶע מַעֲשִׂים. אִין דֶעם בֶּעכֶער, וָואס זִי הָאט גֶעמִישְׁט, מִישְׁט פַאר אִיר טָאפְּלְט.
7
אוֹיף אַזוֹיפִיל וִויפִיל זִי הָאט זִיךְ אַלֵיין פַארְהֶערְלְעכְט אוּן גֶעהַאט תַּעַנוּג,1 אוֹיף אַזוֹיפִיל גִיט אִיר יְסוּרִים אוּן טְרוֹיעֶר. וָוארִים זִי זָאגְט אִין אִיר הַארְץ: אִיךְ זִיץ אַ מַלְכָּה, אוּן אִיךְ בִּין נִישְׁט קֵיין אַלְמָנָה, אוּן וֶועל בְּשׁוּם־אוֹפְן נִישְׁט זֶען קֵיין טְרוֹיעֶר.
8
דֶערִיבֶּער וֶועלְן אִירֶע מַכּוֹת קוּמֶען אִין אֵיין טָאג: טוֹיט אוּן טְרוֹיעֶר אוּן הוּנְגֶער, אוּן זִי וֶועט אִין גַאנְצְן פַארְבְּרֶענְט וֶוערְן אִין פַייעֶר; וָוארִים שְׁטַארְק אִיז גָאט, דֶער הַאר, וָואס הָאט זִי גֶעמִשְׁפָּט.
9
אוּן דִי מְלָכִים פוּן דֶער עֶרְד, וָואס הָאבְּן מִיט אִיר מְזַנֶה גֶעוֶוען אוּן גֶעלֶעבְּט צֶעלָאזְן, וֶועלְן וֵויינֶען אוּן קְלָאגְן אִיבֶּער אִיר, בְּעֵת זֵיי וֶועלְן קוּקְן אוֹיף דֶעם רוֹיךְ פוּן אִיר בְּרֶענֶען,
10
אוּן שְׁטֵיין פוּן דֶער וַוייט פַאר מוֹרֶא פוּן אִיר פַּיין, אוּן זָאגְן: וֵויי, וֵויי, דִי גְרוֹיסֶע שְׁטָאט בָּבֶל, דִי שְׁטַארְקֶע שְׁטָאט! וָוארִים אִין אֵיין שָׂעָה הָאט גֶענֶעעֶנְט דַיין מִשְׁפָּט.
11
אוּן דִי סוֹחְרִים פוּן דֶער עֶרְד וֵויינֶען אוּן קְלָאגְן אִיבֶּער אִיר, וָוארִים קֵיינֶער קוֹיפְט נִישְׁט מֶער זֵייעֶר סְחוֹרָה,
12
סְחוֹרָה פוּן גָאלְד, אוּן זִילְבֶּער, אֵיידְלְשְׁטֵיינֶער אוּן פֶּערְל, פַיינֶע לַייוְונְט, אוּן פּוּרְפּוּר, זַייד אוּן שַׁארְלֶעך, אוּן אַלֶערְלֵיי דוּפְטִיקֶע הָאלְץ, אוּן אַלֶערְלֵיי כֵּלִים פוּן עֶלְפַאנְטְבַּיין, אוּן אַלֶערְלֵיי כֵּלִים, גֶעמַאכְט פוּן טַייעֶרְן הָאלְץ, אוּן פוּן קוּפֶּער, אוּן אַייזְן, אוּן מַארְמָאר;
13
אוּן צִימֶערִינְג, אוּן גֶעוִוירְץ, אוּן וַויירֶעךְ, אוּן זַאלְבְּאֵייל, אוּן קְטוֹרֶת, אוּן וַויין, אוּן אֵייל, אוּן זֶעמְל־מֶעל, אוּן וֵוייץ, אוּן רִינְדֶער אוּן שָׁאף, אוּן פֶערְד, אוּן רַייטְוֶועגְן, אוּן קְנֶעכְט אוּן לֶעבְּנְס פוּן מֶענְטְשְׁן.
14
אוּן דִי פְרוּכְט, וָואס דַיין זֶעל הָאט נָאךְ זֵיי גֶעגְלוּסְט, זֶענֶען פַארְשְׁוְואוּנְדְן פוּן דִיר, אוּן אַלְצְדִינְג, וָואס אִיז גֶעוֶוען זִיס אוּן פְּרֶעכְטִיק, אִיז פַארְלוֹירְן גֶעוָוארְן פוּן דִיר, אוּן מֶע וֶועט זֵיי בִּכְלַל מֶער נִישְׁט גֶעפִינֶען.
15
דִי סוֹחְרִים פוּן דִי דָאזִיקֶע זַאכְן, וָואס זֶענֶען דוּרְךְ אִיר רַייךְ גֶעוָוארְן, וֶועלְן שְׁטֵיין פוּן דֶער וַוייט פַאר מוֹרֶא פוּן אִיר פַּיין אוּן וֵויינֶען אוּן קְלָאגְן,
16
אוּן זָאגְן: וֵויי, וֵויי דֶער גְרוֹיסֶער שְׁטָאט, וָואס אִיז גֶעוֶוען אָנְגֶעטָאן אִין פַיינֶער לַייוְונְט, אִין פּוּרְפּוּר אוּן שַׁארְלֶעך, אוּן בַּאדֶעקְט מִיט גָאלְד אוּן אֵיידְלְשְׁטֵיינֶער אוּן פֶּערְל!
17
וָוארִים אִין אֵיין שָׂעָה אִיז אַזַא גְרוֹיס עַשִׁירוּת חָרוּב גֶעוָוארְן. אוּן יֶעדֶער שִׁיפְקַאפִּיטַאן, אוּן יֶעדֶער אֵיינֶער, וָואס פָארְט עֶרְגֶעצְוְואוּהִין, אוּן רוּדֶערֶער, אוּן אַלֶע, וָואס פַארְדִינֶען זֵייעֶר אַרְבֶּעט פוּן יַם, זֶענֶען גֶעשְׁטַאנֶען פוּן דֶער וַוייט,
18
אוּן זֵיי הָאבְּן גֶעשְׁרִיגְן, בְּעֵת זֵיי הָאבְּן גֶעקוּקְט אוֹיף דֶעם רוֹיךְ פוּן אִיר בְּרֶענֶען, אַזוֹי צוּ זָאגְן: וָואסֶער שְׁטָאט אִיז וִוי דִי גְרוֹיסֶע שְׁטָאט?
19
אוּן זֵיי הָאבְּן גֶעוָוארְפְן שְׁטוֹיבּ אוֹיף זֵייעֶרֶע קֶעפּ, אוּן גֶעשְׁרִיגְן, בְּעֵת זֵיי הָאבְּן גֶעוֵויינְט אוּן גֶעקְלָאגְט, אַזוֹי צוּ זָאגְן: וֵויי, וֵויי, דֶער גְרוֹיסֶער שְׁטָאט, וָואס אִין אִיר זֶענֶען אַלֶע, וָואס הָאבְּן גֶעהַאט שִׁיפְן אוֹיף דֶעם יַם, גֶעוָוארְן רַייךְ דוּרְךְ אִיר עַשִׁירוּת, וָוארִים אִין אֵיין שָׂעָה אִיז זִי חָרוּב גֶעוָוארְן.
20
פְרַיי דִיךְ אִיבֶּער אִיר, דוּ הִימְל, אוּן אִיר קְדוֹשִׁים, אוּן שְׁלִיחִים, אוּן נְבִיאִים! וָוארִים גָאט הָאט גֶעמִשְׁפָּט אַייעֶר מִשְׁפָּט אִין אִיר.
21
אוּן אַ שְׁטַארְקֶער מַלְאַךְ הָאט אוֹיפְגֶעהוֹיבְּן אַ שְׁטֵיין, וִוי דָאס וָואלְט גֶעוֶוען אַ גְרוֹיסֶער מִילְשְׁטֵיין, אוּן הָאט אִים אַרַיינְגֶעוָוארְפְן אִין יַם אַרַיין, אוּן גֶעזָאגְט: אַזוֹי וֶועט מִיט אַ שְׁטַארְקְן כּוֹחַ אַנִידֶערְגֶעוָוארְפְן וֶוערְן בָּבֶל, דִי גְרוֹיסֶע שְׁטָאט, אוּן זִי וֶועט מֶער נִישְׁט גֶעפוּנֶען וֶוערְן.
22
אוּן דָאס קוֹל פוּן הַארְפְנְשְׁפִּילֶער, אוּן זִינְגֶער, אוּן פְלֵייטְנְשְׁפִּילֶער, אוּן טְרוּמֵייטֶערֶער, וֶועט אִין דִיר מֶער נִישְׁט גֶעהֶערְט וֶוערְן; אוּן קֵיין מַייסְטֶער פוּן קֵיין שׁוּם הַאנְטְוֶוערְק וֶועט מֶען אִין דִיר מֶער נִישְׁט גֶעפִינֶען; אוּן דָאס קוֹל פוּן אַ מִיל וֶועט אִין דִיר מֶער נִישְׁט גֶעהֶערְט וֶוערְן;
23
אוּן דָאס לִיכְט פוּן אַ לָאמְפּ וֶועט אִין דִיר מֶער נִישְׁט שַׁיינֶען; אוּן דָאס קוֹל פוּן חָתָן אוּן כַּלָּה וֶועט אִין דִיר מֶער נִישְׁט גֶעהֶערְט וֶוערְן; וָוארִים דַיינֶע סוֹחְרִים זֶענֶען גֶעוֶוען דִי פִירְשְׁטְן פוּן דֶער עֶרְד, אוּן מִיט דַיין כִּישׁוּף זֶענֶען אַלֶע אוּמוֹת פַארְפִירְט גֶעוָוארְן.
24
אוּן אִין אִיר אִיז גֶעפוּנֶען גֶעוָוארְן דָאס בְּלוּט פוּן נְבִיאִים אוּן פוּן קְדוֹשִׁים, אוּן פוּן אַלֶע דִי, וָואס זֶענֶען גֶעהַרְגֶעט גֶעוָוארְן אוֹיף דֶער עֶרְד.