אידיש
1
אוּן אַ גְרוֹיסֶער צֵייכְן אִיז גֶעזֶען גֶעוָוארְן אִין הִימְל: אַ וַוייבּ, אָנְגֶעטָאן מִיט דֶער זוּן, אוּן דִי לְבָנָה אוּנְטֶער אִירֶע פִיס, אוּן אוֹיף אִיר קָאפּ אַ קְרוֹין פוּן צְוֶועלְף שְׁטֶערְן.
2
אוּן זִי אִיז גֶעוֶוען אִין טְרָאגְן, אוּן זִי הָאט גֶעשְׁרִיגְן אִין גֶעבּוּרְטְס־וֵוייעֶן, אוּן אִין פַּיין פוּן גֶעבֶּערְן.
3
אוּן עֶס אִיז גֶעזֶען גֶעוָוארְן אַן אַנְדֶער צֵייכְן אִין הִימְל: זֶע, אַ גְרוֹיסֶער, רוֹיטֶער דְרַאכְנְשְׁלַאנְג מִיט זִיבְּן קֶעפּ אוּן צֶען הֶערְנֶער, אוּן אוֹיף אִיר קָאפּ זִיבְּן קְרוֹינֶען.
4
אוּן אִיר וֵויידְל צִיט דֶעם דְרִיטְן טֵייל פוּן דִי שְׁטֶערְן פוּן הִימְל אוּן וַוארְפְט זֵיי צוּ דֶער עֶרְד; אוּן דֶער דְרַאכְנְשְׁלַאנְג שְׁטֵייט פַאר דֶעם וַוייבּ, וָואס דַארְף גֶעבֶּערְן, כְּדֵי זִי זָאל פַארְשְׁלִינְגֶען אִיר קִינְד, בְּעֵת זִי וֶועט גֶעבֶּערְן.
5
אוּן זִי הָאט גֶעבֶּערְט אַ קִינְד, אַ זָכָר, וָואס וֶועט הֶערְשְׁן אִיבֶּער אַלֶע אוּמוֹת מִיט אַ רוּט פוּן אַייזְן; אוּן אִיר קִינְד אִיז אַרוֹיפְגֶענוּמֶען גֶעוָוארְן צוּ גָאט אוּן צוּ זַיין שְׁטוּל.
6
אוּן דָאס וַוייבּ אִיז אַנְטְרוּנֶען אִין דֶער מִדְבָּר אַרַיין, וְואוּ זִי הָאט גֶעהַאט אַן אָרְט, אָנְגֶעגְרֵייט פוּן גָאט, כְּדֵי מֶע זָאל זִי דָארְט דֶערְנֶערְן טוֹיזְנְט צְוֵויי הוּנְדֶערְט אוּן זֶעכְצִיק טֶעג.
7
אוּן אִין הִימְל אִיז גֶעוֶוען מִלְחָמָה: מִיכָאֵל אוּן זַיינֶע מַלְאָכִים הָאבְּן מִלְחָמָה גֶעהַאלְטְן מִיט דֶעם דְרַאכְנְשְׁלַאנְג; אוּן דֶער דְרַאכְנְשְׁלַאנְג אוּן זַיינֶע מַלְאָכִים הָאבְּן מִלְחָמָה גֶעהַאלְטְן,
8
אוּן זֵיי הָאבְּן נִישְׁט גוֹבֵר גֶעוֶוען, אוּן זֵייעֶר אָרְט אִיז אוֹיךְ מֶער נִישְׁט גֶעוֶוען צוּ גֶעפִינֶען אִין הִימְל.
9
אוּן דֶער גְרוֹיסֶער דְרַאכְנְשְׁלַאנְג אִיז אַרָאפְּגֶעוָוארְפְן גֶעוָוארְן, דֶער אַלְטֶער וָואס וֶוערְט אָנְגֶערוּפְן מַלְשִׁין אוּן שָׂטָן, וָואס פַארְפִירְט דִי גַאנְצֶע וֶועלְט; עֶר אִיז אַרָאפְּגֶעוָוארְפְן גֶעוָוארְן צוּ דֶער עֶרְד, אוּן זַיינֶע מַלְאָכִים זֶענֶען אַרָאפְּגֶעוָוארְפְן גֶעוָוארְן מִיט אִים.
10
אוּן אִיךְ הָאבּ גֶעהֶערְט אַ הוֹיךְ קוֹל אִין הִימְל זָאגְן: אִיצְט אִיז גֶעקוּמֶען דִי יְשׁוּעָה, אוּן דִי קְרַאפְט, אוּן דָאס מַלְכוּת פוּן אוּנְדְזֶער גָאט, אוּן דִי מַאכְט פוּן זַיין מָשִׁיחַ; וָוארִים דֶער בַּאשׁוּלְדִיקֶער פוּן אוּנְדְזֶערֶע בְּרִידֶער, וָואס בַּאשׁוּלְדִיקְט זֵיי פַאר אוּנְדְזֶער גָאט טָאג אוּן נַאכְט, אִיז אַרָאפְּגֶעוָוארְפְן גֶעוָוארְן;
11
אוּן זֵיי הָאבְּן אִים מְנַצֵחַ גֶעוֶוען, דוּרְךְ דֶעם בְּלוּט פוּן דֶעם לַאם, אוּן דוּרְךְ דֶעם וָוארְט פוּן זֵייעֶר עֵדוּת זָאגְן, אוּן זֵיי הָאבְּן נִישְׁט לִיבּ גֶעהַאט זֵייעֶר לֶעבְּן בִּיז צוּם טוֹיט.
12
דֶערִיבֶּער פְרֵייט אַייךְ, אָ הִימְלֶען, אוּן אִיר וָואס וואוֹינְט אִין זֵיי! וֵויי צוּ דֶער עֶרְד אוּן צוּ דֶעם יַם, וָוארִים דֶער מַלְשִׁין הָאט אַרָאפְּגֶענִידֶערְט צוּ אַייךְ מִיט גְרוֹיס גְרִימְצָארְן, וַוייל עֶר וֵוייסְט, אַז עֶר הָאט נָאר אַ קוּרְצֶע צַייט!
13
אוּן בְּעֵת דֶער דְרַאכְנְשְׁלַאנְג הָאט גֶעזֶען, אַז עֶר אִיז אַרָאפְּגֶעוָוארְפְן גֶעוָוארְן צוּ דֶער עֶרְד, הָאט עֶר נָאכְגֶעיָאגְט דָאס וַוייבּ, וָואס הָאט גֶעבּוֹירְן דֶעם זָכָר קִינְד.
14
אוּן עֶס אִיז גֶעגֶעבְּן גֶעוָוארְן דֶעם וַוייבּ דִי צְוֵויי פְלִיגְלֶען פוּן דֶעם גְרוֹיסְן אָדְלֶער, כְּדֵי זִי זָאל קֶענֶען פְלִיעֶן צוּ אִיר אָרְט אִין דֶער מִדְבָּר אַרַיין, וְואוּ זִי וֶוערְט גֶענֶערְט אוֹיף אַ צַייט, אוּן צַייטְן, אוּן אַ הַאלְבֶּע צַייט, וַוייט פוּן דֶעם פָּנִים פוּן דֶער שְׁלַאנְג.
15
אוּן דֶער דְרַאכְנְשְׁלַאנְג הָאט אַרוֹיסְגֶעלָאזְט פוּן אִיר מוֹיל וַואסֶער נָאךְ דֶעם וַוייבּ וִוי אַ שְׁטְרָאם, כְּדֵי זִי זָאל אַוֶועקְגֶעטְרָאגְן וֶוערְן פוּן דֶעם שְׁטְרָאם.
16
אוּן דִי עֶרְד הָאט גֶעהָאלְפְן דֶעם וַוייבּ, אוּן דִי עֶרְד הָאט גֶעעֶפְנְט אִיר מוֹיל אוּן הָאט פַארְשְׁלוּנְגֶען דֶעם שְׁטְרָאם, וָואס דֶער דְרַאכְנְשְׁלַאנְג הָאט אַרוֹיסְגֶעלָאזְט פוּן אִיר מוֹיל.
17
אוּן דֶער דְרַאכְנְשְׁלַאנְג הָאט גֶעצֶערְנְט אוֹיף דֶעם וַוייבּ, אוּן אִיז אַוֶועקְגֶעגַאנְגֶען מִלְחָמָה צוּ הַאלְטְן מִיט דִי אִיבֶּערִיקֶע פוּן אִיר זָאמֶען, וָואס הִיטְן אָפּ דִי גֶעבָּאטְן פוּן גָאט אוּן הַאלְטְן דָאס עֵדוּת פוּן יֵשׁוּעַ.