אידיש
1
דִי פוּן יֵשׁוּעַ הַמָשִׁיחַ, וָואס גָאט הָאט אִים גֶעגֶעבְּן צוּ וַוייזְן זַיינֶע קְנֶעכְט, זַאכְן וָואס דַארְפְן בְּקָרוֹב גֶעשֶׁען; אוּן עֶר הָאט גֶעשִׁיקְט אוּן זֵיי מוֹדִיעַ גֶעוֶוען דוּרְךְ זַיין מַלְאַךְ צוּ זַיין קְנֶעכְט יוֹחָנָן,
2
וָואס הָאט עֵדוּת גֶעזָאגְט פוּנְוֶועגְן דֶעם וָוארְט פוּן גָאט, אוּן פוּנְוֶועגְן דֶעם עֵדוּת פוּן יֵשׁוּעַ הַמָשִׁיחַ, אוּן פוּנְוֶועגְן אַלְצְדִינְג, וָואס עֶר הָאט גֶעזֶען.
3
וָואוֹיל אִיז דֶעם, וָואס לֵייעֶנְט, אוּן דִי, וָואס הֶערְן דִי רֵייד פוּן דֶער נְבוּאָה, אוּן הִיטְן אָפּ, וָואס אִיז דֶערִין גֶעשְׁרִיבְּן; וָוארִים דִי צַייט הָאט
4
יוֹחָנָן צוּ דִי זִיבְּן קְהִילוֹת, וָואס זֶענֶען אִין אַסְיֶע: חֶסֶד צוּ אַייךְ אוּן שָׁלוֹם פוּן אִים, וָואס אִיז, אוּן וָואס אִיז גֶעוֶוען, אוּן וָואס דַארְף קוּמֶען; אוּן פוּן דִי זִיבְּן גֵייסְטֶער, וָואס זֶענֶען פַאר זַיין שְׁטוּל,
5
אוּן פוּן יֵשׁוּעַ הַמָשִׁיחַ, דֶעם גֶעטְרַייעֶן עֵדוּת, דֶעם עֶרְשְׁט-גֶעבּוֹירֶענֶער פוּן דִי טוֹיטֶע, אוּן דֶעם הֶערְשֶׁער פוּן דִי מְלָכִים פוּן דֶער עֶרְד. צוּ אִים, וָואס הָאט אוּנְדְז לִיבּ אוּן הָאט אוּנְדְז אוֹיסְגֶעלֵייזְט פוּן אוּנְדְזֶערֶע זִינְד דוּרְךְ זַיין בְּלוּט,
6
אוּן הָאט אוּנְדְז גֶעמַאכְט פַאר אַ מְלוּכָה,1 פַאר כֹּהַנִים צוּ זַיין גָאט אוּן פָאטֶער. אִים גֶעהֶערְט דִי הֶערְלֶעכְקַייט אוּן דִי הֶערְשַׁאפְט אוֹיף אֵייבִּיק אוּן אֵייבִּיק. אָמֵן.
7
זֶע, עֶר קוּמְט מִיט דִי וָואלְקְנְס, אוּן יֶעדֶעס אוֹיג וֶועט אִים זֶען, אוּן דִי, וָואס הָאבְּן אִים דוּרְכְגֶעשְׁטָאכְן; אוּן אַלֶע מִשְׁפָּחוֹת פוּן דֶער עֶרְד וֶועלְן קְלָאגְן אִיבֶּער אִים. יאָ, אָמֵן.
8
אִיךְ בִּין דִי אַלֶף אוּן דִי תָּוו, זָאגְט גָאט, דֶער הַאר, וָואס אִיז אוּן וָואס אִיז גֶעוֶוען אוּן וָואס דַארְף קוּמֶען, דֶער אַלְמֶעכְטִיקֶער.
9
אִיךְ, יוֹחָנָן, אַייעֶר בְּרוּדֶער אוּן חַבֵר מִיט אַייךְ אִין דֶעם קוּמֶער אוּן מַלְכוּת אוּן גֶעדוּלְד אִין יֵשׁוּעַ, בִּין גֶעוֶוען אוֹיף דֶעם אִינְזְל, וָואס וֶוערְט אָנְגֶערוּפְן פַּאטְמָאס, פוּנְוֶועגְן דֶעם וָוארְט פוּן גָאט אוּן פוּנְוֶועגְן דֶעם עֵדוּת פוּן יֵשׁוּעַ.
10
אִיךְ בִּין גֶעוֶוען אִין דֶעם גֵייסְט אִין דֶעם טָאג פוּן דֶעם הַאר, אוּן אִיךְ הָאבּ גֶעהֶערְט הִינְטֶער מִיר אַ הוֹיךְ קוֹל וִוי פוּן אַ שׁוֹפָר,
11
אַזוֹי צוּ זָאגְן: וָואס דוּ זֶעסְט, פַארְשְׁרַייבּ אִין אַ סֵפֶר, אוּן שִׁיק עֶס צוּ דִי זִיבְּן קְהִילוֹת: קֵיין עֶפֶעזוּס, אוּן קֵיין סְמִירְנֶע, אוּן קֵיין פֶּערְגַאמוּם, אוּן קֵיין טִיאַטִירַא, אוּן קֵיין סַארְדִיס, אוּן קֵיין פִילַאדֶעלְפְיֶע, אוּן קֵיין לַאאָדִיקְיֶע.
12
אוּן אִיךְ הָאבּ מִיךְ אוֹיסְגֶעדְרֵייט צוּ זֶען דָאס קוֹל, וָואס הָאט מִיט מִיר גֶערֶעדְט. אוּן וִוי אִיךְ הָאבּ מִיךְ אוֹיסְגֶעדְרֵייט, הָאבּ אִיךְ גֶעזֶען זִיבְּן גָאלְדִינֶע מְנוֹרוֹת,
13
אוּן אִין דֶער מִיט פוּן דִי מְנוֹרוֹת - אֵיינֶעם גְלַייךְ וִוי אַ בֶּן־אָדָם, בַּאקְלֵיידְט מִיט אַ מַלְבּוּשׁ אַרָאפְּצוּ בִּיז דִי פִיס, אוּן אַרוּמְגֶעגַארְטְלְט בַּיי דֶער בְּרוּסְט מִיט אַ גִילְדֶענֶעם גַארְטְל.
14
אוּן זַיין קָאפּ אוּן זַיינֶע הָאר זֶענֶען גֶעוֶוען וַוייס וִוי וַוייסֶע וָואל, וִוי שְׁנֵיי, אוּן זַיינֶע אוֹיגְן זֶענֶען גֶעוֶוען וִוי אַ פְלַאם פוּן פַייעֶר,
15
אוּן זַיינֶע פִיס גְלַייךְ וִוי פָּאלִירְט מֶעשׁ, בְּעֵת סֶע גְלִיט אִין אוֹיוְון, אוּן זַיין קוֹל וִוי דָאס קוֹל פוּן אַ סַך וַואסֶערְן.
16
אוּן עֶר הָאט גֶעהַאט אִין זַיין רֶעכְטֶער הַאנְט זִיבְּן שְׁטֶערְן; אוּן פוּן זַיין מוֹיל אִיז אַרוֹיסְגֶעגַאנְגֶען אַ שַׁארְפֶע צְוֵויי־שְׁנַיידִיקֶע שְׁוֶוערְד; אוּן זַיין פָּנִים אִיז גֶעוֶוען וִוי דִי זוּן, בְּעֵת זִי שַׁיינְט אִין אִיר קְרַאפְט.
17
אוּן בְּעֵת אִיךְ הָאבּ אִים גֶעזֶען, בִּין אִיךְ גֶעפַאלְן צוּ זַיינֶע פִיס וִוי אַ טוֹיטֶער. אוּן עֶר הָאט אַרוֹיפְגֶעלֵייגְט אוֹיף מִיר זַיין רֶעכְטֶע הַאנְט, אוּן גֶעזָאגְט: הָאבּ נִישְׁט קֵיין מוֹרֶא; אִיךְ בִּין דֶער עֶרְשְׁטֶער אוּן דֶער לֶעצְטֶער
18
אוּן דֶער לֶעבֶּעדִיקֶער; אִיךְ בִּין גֶעוֶוען טוֹיט, אוּן זֶע, אִיךְ בִּין לֶעבֶּעדִיק אוֹיף אֵייבִּיק אוּן אֵייבִּיק, אוּן הָאבּ דִי שְׁלִיסְלֶען פוּן טוֹיט אוּן פוּן שְׁאוֹל.
19
שְׁרַייבּ דֶערִיבֶּער וָואס דוּ הָאסְט גֶעזֶען, אוּן וָואס אִיז פַארַאן, אוּן וָואס סֶע וֶועט שְׁפֶּעטֶער גֶעשֶׁען.
20
דֶעם סוֹד פוּן דִי זִיבְּן שְׁטֶערְן, וָואס דוּ הָאסְט גֶעזֶען אִין מַיין רֶעכְטֶער הַאנְט, אוּן דִי זִיבְּן גָאלְדִינֶע מְנוֹרוֹת: דִי זִיבְּן שְׁטֶערְן זֶענֶען דִי מַלְאָכִים פוּן דִי זִיבְּן קְהִילוֹת, אוּן דִי זִיבְּן מְנוֹרוֹת זֶענֶען דִי זִיבְּן קְהִילוֹת.