אידיש
1
פָּאוֹלוֹס אַ שָׁלִיחַ פוּן יֵשׁוּעַ הַמָשִׁיחַ, דוּרְךְ דֶעם רָצוֹן פוּן גָאט, לוֹיט דֶער צוּזָאג פוּן דֶעם לֶעבְּן, וָואס אִיז אִין יֵשׁוּעַ הַמָשִׁיחַ,
2
צוּ טִימָאטֶעאוּס, מַיין בַּאלִיבְּט קִינְד: חֶסֶד, רַחֲמִים, שָׁלוֹם פוּן גָאט, דֶעם פָאטֶער, אוּן יֵשׁוּעַ הַמָשִׁיחַ, אוּנְדְזֶער הַאר.
3
ג אִיךְ דַאנְק גָאט, וֶועמֶען אִיךְ דִין אִין דִי וֶועג פוּן מַיינֶע אָבוֹת, אִין אַ רֵיין גֶעוִויסְן, וִוי אָן אוֹיפְהֶער גֶעדֶענְק אִיךְ דִיךְ אִין מַיינֶע תְּפִילוֹת. טָאג אוּן נַאכְט,
4
בֶּענְק אִיךְ דִיךְ צוּ זֶען, בְּעֵת אִיךְ דֶערְמָאן מִיךְ אִין דַיינֶע טְרֶערְן, כְּדֵי אִיךְ זָאל וֶוערְן פוּל מִיט שִׂמְחָה.
5
בְּעֵת אִיךְ דֶערְמָאן מִיךְ אִין דַיין אוֹיפְרִיכְטִיקֶער אֶמוּנָה, וָואס הָאט פְרִיעֶר גֶעוְואוֹינְט אִין עֶלְטֶער־מוּטֶער לוֹאִיס אוּן אִין דַיין מוּטֶער עוּנִיקְזֶע, אוּן אִיךְ בִּין זִיכֶער, אוֹיךְ אִין דִיר.
6
צוּלִיבּ דֶעם דֶערְמָאן אִיךְ דִיךְ, אַז דוּ זָאלְסְט דֶערְוֶועקְן דִי מַתָּנָה פוּן גָאט, וָואס אִיז אִין דִיר דוּרְךְ דֶעם אַרוֹיפְלֵייגְן פוּן מַיינֶע הֶענְט.
7
וָוארִים גָאט הָאט אוּנְדְז נִישְׁט גֶעגֶעבְּן קֵיין גֵייסְט פוּן שְׁרֶעק, נַייעֶרְט פוּן מַאכְט אוּן לִיבְּשַׁאפְט אוּן אָרְדֶענוּנְג.
8
דֶערִיבֶּער שֶׁעם דִיךְ נִישְׁט פוּנְוֶועגְן דֶעם עֵדוּת פוּן אוּנְדְזֶער הַאר, אוֹיךְ נִישְׁט מִיט מִיר, זַיין גֶעפַאנְגֶענֶעם; נַייעֶרְט לַייד שְׁוֶוערִיקַייט פַאר דֶער בְּשׂוּרָה לוֹיט דֶער מַאכְט פוּן גָאט,
9
וָואס הָאט אוּנְדְז גֶערַאטֶעוֶועט, אוּן הָאט אוּנְדְז בַּארוּפְן מִיט אַ הֵיילִיקֶער בַּארוּפוּנְג, נִישְׁט לוֹיט אוּנְדְזֶערֶע וֶוערְק, נַייעֶרְט לוֹיט זַיין אֵייגֶענֶער דֵעָה אוּן חֶסֶד, וָואס אִיז אוּנְדְז גֶעגֶעבְּן גֶעוָוארְן אִין יֵשׁוּעַ הַמָשִׁיחַ פוּן פַאר אֵייבִּיקֶע צַייטְן,
10
אוּן אִיז אִיצְט אַנְטְפְּלֶעקְט גֶעוָוארְן דוּרְךְ דֶער דֶערְשַׁיינוּנְג פוּן אוּנְדְזֶער גוֹאֵל יֵשׁוּעַ הַמָשִׁיחַ, וָואס הָאט אָפְּגֶעשַׁאפְט דֶעם טוֹיט, אוּן הָאט גֶעבְּרַאכְט לֶעבְּן אוּן אוּמְשְׁטַארְבְּלֶעכְקַייט צוּם לִיכְט דוּרְךְ דֶער בְּשׂוּרָה,
11
וָואס צוּ אִיר בִּין אִיךְ בַּאשְׁטִימְט גֶעוָוארְן פַאר אַ מְבַשֵׂר אוּן אַ שָׁלִיחַ אוּן אַ לֶערְעֶר.
12
צוּלִיבּ דֶעם לַייד אִיךְ אוֹיךְ דִי דָאזִיקֶע זַאכְן; דָאךְ אִיךְ שֶׁעם מִיךְ נִישְׁט. וָוארִים אִיךְ קֶען אִים, וֶועמֶען אִיךְ הָאבּ גֶעגְלוֹיבְּט, אוּן אִיךְ בִּין זִיכֶער, אַז עֶר אִיז בִּיֵכוֹלְת אָפְּצוּהִיטְן, דַאס וָואס אִיךְ הָאבּ אִים אִיבֶּערְגֶעעֶנְטְפֶערְט פַאר יֶענֶעם טָאג.
13
הַאלְט דֶעם בַּיישְׁפִּיל פוּן גֶעזוּנְטֶע רֵייד, וָואס דוּ הָאסְט פוּן מִיר גֶעהֶערְט, אִין אֶמוּנָה אוּן לִיבְּשַׁאפְט, וָואס אִיז אִין יֵשׁוּעַ הַמָשִׁיחַ.
14
זָאלְסְט אָפְּהִיטְן דָאס גוּטֶע, וָואס אִיז אִין דִיר אִיבֶּערְגֶעעֶנְטְפֶערְט גֶעוָוארְן, דוּרְךְ דֶעם רוּחַ־הַקוֹדֶשׁ, וָואס וואוֹינְט אִין אוּנְדְז.
15
דָאס וֵוייסְטוּ, אַז אַלֶע, וָואס זֶענֶען אִין אַסְיֶע, הָאבְּן זִיךְ אָפְּגֶעקֶערְט פוּן מִיר; צוּ זֵיי גֶעהֶערְן פִיגֶעלוֹס אוּן הֶערְמָאגֶענֶעס.
16
דֶער הַאר זָאל זִיךְ דֶערְבַּארֶעמֶען אוֹיף דֶעם הוֹיז פוּן אָנֶעסִיפָארוֹס, וָוארִים עֶר הָאט מִיךְ אָפְט דֶערְקְוִויקְט, אוּן הָאט זִיךְ נִישְׁט גֶעשֶׁעמְט מִיט מַיינֶע קֵייטְן,
17
נַייעֶרְט בְּעֵת עֶר אִיז גֶעקוּמֶען קֵיין רוֹים, הָאט עֶר מִיךְ פְלַייסִיק גֶעזוּכְט, אוּן הָאט מִיךְ גֶעפוּנֶען, -
18
דֶער הַאר זָאל אִים גֶעבְּן צוּ גֶעפִינֶען רַחֲמִים בַּיי גָאט אִין יֶענֶעם טָאג, - אוּן אִין וִויפְל זַאכְן עֶר הָאט מִיר גֶעדִינְט אִין עֶפֶעזוּס, וֵוייסְטוּ זֵייעֶר גוּט.