אידיש
1
אוּן מִיר בֶּעטְן אַייךְ, בְּרִידֶער, אִין שַׁייכוּת מִיט דֶעם קוּמֶען פוּן אוּנְדְזֶער הַאר יֵשׁוּעַ הַמָשִׁיחַ, אוּן אוּנְדְזֶער אַיינְזַאמְלוּנְג צוּ אִים,
17
זָאל טְרֵייסְטְן אַייעֶרֶע הֶערְצֶער אוּן זֵיי גְרוּנְטְפֶעסְטִיקְן אִין יֶעדֶער גוּטְן וֶוערְק אוּן יֶעדֶען גוּטְן וָוארְט.
2
אַז אַייעֶר פַארְשְׁטַאנְד זָאל נִישְׁט פְּלוּצִים צֶערִירְט וֶוערְן, אוּן אוֹיךְ נִישְׁט דֶערְשְׁרָאקְן וֶוערְן, סַיי דוּרְךְ אַ גֵייסְט, אָדֶער דוּרְךְ אַ וָוארְט, אָדֶער דוּרְךְ אַ בְּרִיוו, וִוי עֶר וָואלְט גֶעוֶוען פוּן אוּנְדְז, גְלַייךְ וִוי דֶער טָאג פוּן דֶעם הַאר אִיז שׁוֹין גֶעקוּמֶען.
3
לָאז קֵיינֶער אַייךְ בְּשׁוּם־אוֹפְן נִישְׁט פַארְפִירְן: וָוארִים סֶע וֶועט נִישְׁט גֶעשֶׁען, סַיידְן סֶע וֶועט קוֹדֶם קוּמֶען דִי אְָפְּפַאלוּנְג, אוּן סֶע וֶועט אַנְטְפְּלֶעקְט וֶוערְן דֶער מֶענְטְשׁ פוּן זִינְד, דֶער זוּן פוּן פַארְדָארְבּוּנְג,
4
דֶער, וָואס וִוידֶערְשְׁפֶּענִיקְט אוּן דֶערְהֵייכְט זִיךְ קֶעגְן אַלְץ, וָואס וֶוערְט אָנְגֶערוּפְן גָאט, אָדֶער וָואס וֶוערְט גֶעדִינְט, אַזוֹי, אַז עֶר זִיצְט אִין דֶעם הֵיכָל פוּן גָאט, אוּן גִיט זִיךְ אַרוֹיס וִוי אַ גָאט.
5
צִי גֶעדֶענְקְט אִיר נִישְׁט, אַז בְּעֵת אִיךְ בִּין נָאךְ גֶעוֶוען מִיט אַייךְ, הָאבּ אִיךְ אַייךְ דָאס גֶעזָאגְט?
6
אוּן אִיר וֵוייסְט אַצִינְד, וָואס עֶס טוּט אִים אוֹיפְהַאלְטְן, כְּדֵי עֶר זָאל אַנְטְפְּלֶעקְט וֶוערְן אִין זַיין גֶעהֶערִיקֶער צַייט.
7
וָוארִים דֶער סוֹד פוּן רִשְׁעוּת טוּט שׁוֹין וִוירְקְן; אָבֶּער דֶער, וָואס טוּט עֶס אַצִינְד אוֹיפְהַאלְטְן, מוּז צוּעֶרְשְׁט אָפְּגֶעטָאן וֶוערְן פוּן דֶעם וֶועג.
8
אוּן דֶעמָאלְט וֶועט אַנְטְפְּלֶעקְט וֶוערְן דֶער רָשָׁע, וֶועמֶען דֶער הַאר יֵשׁוּעַ וֶועט טֵייטְן מִיט דֶעם אָטֶעם פוּן זַיין מוֹיל, אוּן אִים אוּמְבְּרֶענְגֶען דוּרְךְ דֶער דֶערְשַׁיינוּנְג פוּן זַיין קוּמֶען.
9
וָואס זַיין קוּמֶען אִיז לוֹיט דֶער וִוירְקוּנְג פוּן דֶעם שָׂטָן מִיט דֶער גַאנְצֶער קְרַאפְט אוּן צֵייכְנְס אוּן פַאלְשֶׁע וואוּנְדֶער,
10
אוּן מִיט דֶער גַאנְצֶער אָפְּנַארֶערַיי פוּן אוּמְגֶערֶעכְטִיקַייט פַאר דִי, וָואס וֶוערְן פַארְלוֹירְן; מַחְמַת זֵיי הָאבְּן נִישְׁט מְקַבְּל גֶעוֶוען דִי לִיבְּשַׁאפְט פוּן דֶעם אֶמֶת, כְּדֵי זֵיי זָאלְן גֶערַאטֶעוֶועט וֶוערְן.
11
אוּן צוּלִיבּ דֶעם שִׁיקְט זֵיי גָאט אַ וִוירְקוּנְג פוּן טָעוּת, אַז זֵיי זָאלְן גְלוֹיבְּן אַ לִיגְן;
12
כְּדֵי זֵיי זָאלְן אַלֶע גֶעמִשְׁפָּט וֶוערְן, וָואס הָאבְּן נִישְׁט גֶעגְלוֹיבְּט דֶעם אֶמֶת, נַייעֶרְט הָאבְּן גֶעהַאט פַארְגֶענִיגְן אִין אוּמְגֶערֶעכְטִיקַייט.
13
מִיר אָבֶּער זֶענֶען מְחוּיָב תָּמִיד צוּ דַאנְקֶען גָאט פַאר אַייךְ, בְּרִידֶער בַּאלִיבְּטֶע פוּן דֶעם הַאר; וָוארִים דֶערְפַאר הָאט אַייךְ גָאט אוֹיסְדֶערְוֵויילְט פוּן אָנְהֵייבּ אָן צוּ דֶער יְשׁוּעָה, דוּרְךְ הֵיילִיקַייט פוּן דֶעם גֵייסְט אוּן אֶמוּנָה פוּן דֶעם אֶמֶת;
14
צוּלִיבּ וָואס עֶר הָאט אַייךְ בַּארוּפְן דוּרְךְ אוּנְדְזֶער בְּשׂוּרָה, צוּ קְרִיגְן דִי הֶערְלֶעכְקַייט פוּן אוּנְדְזֶער הַאר יֵשׁוּעַ הַמָשִׁיחַ.
15
בְּכֵן, בְּרִידֶער, שְׁטֵייט פֶעסְט, אוּן הַאלְט זִיךְ אִין דִי אִיבֶּערְעֶנְטְפֶערוּנְגֶען, וָואס מֶע הָאט אַייךְ גֶעלֶערְנְט, סַיי דוּרְךְ וָוארְט, אָדֶער דוּרְךְ בְּרִיוו פוּן אוּנְדְז.
16
אוּן אוּנְדְזֶער הַאר יֵשׁוּעַ הַמָשִׁיחַ אַלֵיין, אוּן גָאט, אוּנְדְזֶער פָאטֶער, וָואס הָאט אוּנְדְז לִיבּ גֶעהַאט אוּן אוּנְדְז גֶעגֶעבְּן אֵייבִּיקֶע טְרֵייסְט אוּן גוּטְן בִּטָחוֹן דוּרְךְ חֶסֶד,