אידיש
1
וָוארִים אִיר אַלֵיין וֵוייסְט, בְּרִידֶער, אַז אוּנְדְזֶער אַרַיינְגַאנְג בַּיי אַייךְ אִיז נִישְׁט גֶעוֶוען אוּמְזִיסְט;
2
הֶיוֹת אָבֶּער מִיר הָאבְּן פְרִיעֶר גֶעלִיטְן אוּן זֶענֶען פַארְשֶׁעמְט גֶעוָוארְן אִין פִילִיפִּי, וִוי אִיר וֵוייסְט, הָאבְּן מִיר זִיךְ גֶעשְׁטַארְקְט אִין אוּנְדְזֶער גָאט צוּ רֶעדְן צוּ אַייךְ דִי בְּשׂוּרָה פוּן גָאט אִין אַ סַך קַאמְף.
3
וָוארִים אוּנְדְזֶער וָוארֶענוּנְג קוּמְט נִישְׁט פוּן טָעוּת, נִישְׁט פוּן טוּמְאָה, אוֹיךְ נִישְׁט אִין פַאלְשְׁקַייט,
4
נַייעֶרְט אַזוֹי וִוי מִיר זֶענֶען גֶעפוּנֶען גֶעוָוארְן בַּאגְלוֹיבְּט פוּן גָאט צוּ זַיין אָנְפַארְטְרוֹיט מִיט דֶער בְּשׂוּרָה, אַזוֹי רֶעדְן מִיר; נִישְׁט וִוי גֶעפֶעלְן צוּ וֶוערְן מֶענְטְשְׁן, נַייעֶרְט גָאט, וָואס פְּרוּאוְוט אוּנְדְזֶערֶע הֶערְצֶער.
5
וָוארִים מִיר הָאבְּן קֵיינְמָאל נִישְׁט גֶענוּצְט חַנִיפָה־רֵייד, וִוי אִיר וֵוייסְט, אוֹיךְ נִישְׁט קֵיין אוֹיסְרֶעד פוּן גַייצִיקַייט (גָאט אִיז אַן עֵדוּת);
6
אוֹיךְ הָאבְּן מִיר נִישְׁט גֶעזוּכְט קֵיין כָּבוֹד פוּן מֶענְטְשְׁן, נִישְׁט פוּן אַייךְ אוּן נִישְׁט פוּן אַנְדֶערֶע, הַגַם מִיר הָאבְּן גֶעקֶענְט פָאדֶערְן אָנְגֶעזֶעעֶנְקַייט וִוי שְׁלִיחִים פוּן מָשִׁיחַ.
7
נַייעֶרְט מִיר זֶענֶען גֶעוֶוען וֵוייךְ צְוִוישְׁן אַייךְ, פּוּנְקְט וִוי אַ זֵייגֶערִין נֶערְט אִירֶע אֵייגֶענֶע קִינְדֶער;
8
אַזוֹי הָאט עֶס אוּנְדְז גֶעצוֹיגְן צוּ אַייךְ, אוּן מִיר זֶענֶען גְרֵייט גֶעוֶוען צוּ טֵיילְן זִיךְ מִיט אַייךְ, נִישְׁט נָאר דִי בְּשׂוּרָה פוּן גָאט, נַייעֶרְט אוֹיךְ אוּנְדְזֶער אֵייגְן לֶעבְּן, מַחְמַת אִיר זֶענְט אוּנְדְז גֶעוָוארְן זֵייעֶר טַייעֶר.
9
וָוארִים אִיר גֶעדֶענְקְט, בְּרִידֶער, אוּנְדְזֶער מִי אוּן אָנְשְׁטְרֶענְגוּנְג; טָאג אוּן נַאכְט הָאבְּן מִיר גֶעאַרְבֶּעט, כְּדֵי מִיר זָאלְן קֵיינֶעם פוּן אַייךְ נִישְׁט פַאלְן צוּ לַאסְט, אוּן הָאבְּן פַאר אַייךְ גֶעדַרְשְׁנְט דִי בְּשׂוּרָה פוּן גָאט.
10
אִיר זֶענְט עֵדוּת, אוּן אוֹיךְ גָאט, וִוי הֵיילִיק אוּן רֶעכְטְפָארְטִיק אוּן אוּמְשׁוּלְדִיק מִיר הָאבְּן זִיךְ פַארְהַאלְטְן לְגַבֵּי אַייךְ, וָואס גְלוֹיבְּן;
11
וַוייל אִיר וֵוייסְט וִוי אַזוֹי מִיר הָאבְּן אַייךְ גֶעוָוארְנְט, אוּן אַייךְ דֶערְמוּטִיקְט, וִוי אַ פָאטֶער זַיינֶע אֵייגֶענֶע קִינְדֶער, אוּן הָאבְּן עֵדוּת גֶעזָאגְט,
12
אַז אִיר זָאלְט גֵיין וֶוערְדִיק פַאר גָאט, וָואס בַארוּפְט אַייךְ צוּ זַיין מַלְכוּת אוּן הֶערְלֶעכְקַייט.
13
אוּן צוּלִיבּ דֶעם דַאנְקֶען מִיר תָּמִיד גָאט, וָואס בְּעֵת אִיר הָאט דֶערְהַאלְטְן דָאס וָוארְט פוּן גָאט, וָואס אִיר הָאט גֶעהֶערְט פוּן אוּנְדְז, הָאט אִיר עֶס מְקַבְּל גֶעוֶוען, נִישְׁט וִוי דָאס וָוארְט פוּן מֶענְטְשְׁן, נַייעֶרְט וִוי עֶס אִיז אִין דֶער אֶמֶתְן, דָאס וָוארְט פוּן גָאט, וֶועלְכֶער וִוירְקְט אוֹיךְ אִין אַייךְ, וָואס גְלוֹיבְּן.
14
וָוארִים אִיר, בְּרִידֶער, זֶענְט גֶעוָוארְן נָאכְפָאלְגֶער פוּן דִי קְהִילוֹת פוּן גָאט אִין יֵשׁוּעַ הַמָשִׁיחַ, וָואס זֶענֶען אִין יְהוּדָה, וָוארִים אִיר הָאט דָאס זֶעלְבֶּע גֶעלִיטְן פוּן אַייעֶרֶע אֵייגֶענֶע לַאנְדְסְלַייט, וִוי זֵיי פוּן דִי יִידְן,
15
וָואס הָאבְּן גֶעהַרְגֶעט סַיי דֶעם הַאר יֵשׁוּעַ אוּן דִי נְבִיאִים, אוּן הָאבְּן אוּנְדְז אַרוֹיסְגֶעטְרִיבְּן, אוּן טְוּעֶן נִישְׁט וָואוֹילְגֶעפֶעלְן גָאט, אוּן זֶענֶען קֶעגְן אַלֶע מֶענְטְשְׁן,
16
וַוייל זֵיי פַארְוֶוערְן אוּנְדְז צוּ רֶעדְן צוּ דִי גוֹייִם, אַז זֵיי זָאלְן גֶערַאטֶעוֶועט וֶוערְן, כְּדֵי תָּמִיד מְמַלֵא צוּ זַיין זֵייעֶרֶע זִינְד; אָבֶּער דֶער גְרִימְצָארְן הָאט זֵיי שׁוֹין דֶערְגְרֵייכְט גָאר אִין גַאנְצְן.
17
מִיר אָבֶּער, בְּרִידֶער, נָאכְדֶעם וִוי מִיר זֶענֶען אוֹיף קוּרְצֶער צַייט בַּארוֹיבְּט גֶעוָוארְן פוּן אַייעֶר פָּנִים, אָבֶּער נִישְׁט אִין הַארְצְן, הָאבְּן שְׁטַארְק חֵשֶׁק גֶעהַאט צוּ זֶען אַייעֶר פָּנִים;
18
דֶערִיבֶּער הָאבְּן מִיר גֶעוָואלְט קוּמֶען צוּ אַייךְ, טַאקֶע אִיךְ פָּאוֹלוֹס, אֵיינְמָאל אוּן נָאכְאַמָאל, אוּן דֶער שָׂטָן הָאט אוּנְדְז גֶעשְׁטֶערְט.
19
וָוארִים וָואס אִיז אוּנְדְזֶער הָאפֶענוּנְג, אָדֶער פְרֵייד, אָדֶער קְרוֹין פוּן רוּם פַאר אוּנְדְזֶער הַאר יֵשׁוּעַ בַּיי זַיין קוּמֶען? צִי זֶענְט אִיר עֶס דֶען נִישְׁט?
20
וָוארִים אִיר זֶענְט אוּנְדְזֶער כָּבוֹד אוּן פְרֵייד.