אידיש
1
דָאס הָאט יֵשׁוּעַ גֶערֶעדְט, אוּן עֶר הָאט אוֹיפְגֶעהוֹיבְּן זַיינֶע אוֹיגְן צוּם הִימְל, אוּן גֶעזָאגְט: פָאטֶער, דִי שָׂעָה הָאט גֶענֶעעֶנְט, פַארְעֶרְלֶעךְ דַיין זוּן, כְּדֵי דֶער זוּן זָאל דִיךְ פַארְעֶרְלֶעכְן;
2
אַזוֹי וִוי דוּ הָאסְט אִים גֶעגֶעבְּן רְשׁוּת אִיבֶּער יֶעדְן בַּאשֶׁעפֶענִישׁ, כְּדֵי עֶר זָאל גֶעבְּן אֵייבִּיק לֶעבְּן צוּ אַלֶע, וֶועמֶען דוּ הָאסְט אִים גֶעגֶעבְּן.
3
אוּן דָאס אִיז דָאס אֵייבִּיקֶע לֶעבְּן, אַז זֵיי זָאלְן קֶענֶען דִיךְ, דֶעם אֵיינְצִיק אֶמֶתְן גָאט, אוּן יֵשׁוּעַ הַמָשִׁיח וֶועמֶען דוּ הָאסְט גֶעשִׁיקְט.
4
אִיךְ הָאבּ דִיךְ פַארְעֶרְלֶעכְט אוֹיף דֶער עֶרְד, מִיט דֶעם וָואס אִיךְ הָאבּ פַארְעֶנְדִיקְט דָאס וֶוערְק, וָואס דוּ הָאסְט מִיר גֶעגֶעבְּן צוּ טָאן.
5
אוּן אִיצְט, פָאטֶער, פַארְעֶרְלֶעךְ דוּ מִיךְ בַּיי דִיר, מִיט דֶעם כָּבוֹד, וָואס אִיךְ הָאבּ גֶעהַאט בַּיי דִיר, אֵיידֶער דִי וֶועלְט אִיז גֶעוָוארְן.
6
אִיךְ הָאבּ אַנְטְפְּלֶעקְט דַיין נָאמֶען צוּ דִי מֶענְטְשְׁן, וָואס דוּ הָאסְט מִיר גֶעגֶעבְּן פוּן דֶער וֶועלְט; זֵיי זֶענֶען גֶעוֶוען דַיינֶע, אוּן דוּ הָאסְט זֵיי מִיר גֶעגֶעבְּן; אוּן זֵיי הָאבְּן גֶעהִיט דַיין וָוארְט.
7
אִיצְט וֵוייסְן זֵיי, אַז אַלְצְדִינְג, וָואס דוּ הָאסְט מִיר גֶעגֶעבְּן, אִיז פוּן דִיר;
8
וָוארִים דִי רֵייד, וָואס דוּ הָאסְט מִיר גֶעגֶעבְּן, הָאבּ אִיךְ זֵיי גֶעגֶעבְּן; אוּן זֵיי הָאבְּן זֵיי מְקַבְּל גֶעוֶוען, אוּן הָאבְּן דֶערְקֶענְט אוֹיף אַן אֶמֶת, אַז אִיךְ קוּם אַרוֹיס פוּן דִיר, אוּן זֵיי הָאבְּן גֶעגְלוֹיבְּט, אַז דוּ הָאסְט מִיךְ גֶעשִׁיקְט.
9
אִיךְ בֶּעט פַאר זֵיי; אִיךְ בֶּעט נִישְׁט פַאר דֶער וֶועלְט, נַייעֶרְט פַאר יֶענֶע, וָואס דוּ הָאסְט מִיר גֶעגֶעבְּן, וָוארִים זֵיי זֶענֶען דַיינֶע;
10
אוּן אַלְצְדִינְג, וָואס אִיז מַיינְס, אִיז דַיינְס, אוּן דַיינְס אִיז מַיינְס, אוּן אִיךְ בִּין פַארְעֶרְלֶעכְט אִין זֵיי.
11
אוּן אִיךְ בִּין נִישְׁט מֶער אִין דֶער וֶועלְט, אָבֶּער זֵיי זֶענֶען אִין דֶער וֶועלְט, אוּן אִיךְ קוּם צוּ דִיר. הֵיילִיקֶער פָאטֶער, בַּאהִיט זֵיי אִין דַיין נָאמֶען, יֶענֶע, וָואס דוּ הָאסְט מִיר גֶעגֶעבְּן, כְּדֵי זֵיי זָאלְן זַיין אֵיינְס, אַזוֹי וִוי מִיר זֶענֶען אֵיינְס.
12
כָּל־זְמַן אִיךְ בִּין גֶעוֶוען מִיט זֵיי, הָאבּ אִיךְ זֵיי אָפְּגֶעהִיט אִין דַיין נָאמֶען, יֶענֶע, וָואס דוּ הָאסְט מִיר גֶעגֶעבְּן; אוּן אִיךְ הָאבּ זֵיי אָפְּגֶעהִיט, אוּן קֵיין אֵיינְצִיקֶער פוּן זֵיי אִיז נִישְׁט פַארְלוֹירְן גֶעגַאנְגֶען, אוֹיסֶער דֶער זוּן פוּן פַארְדַארְבּוּנְג, כְּדֵי דֶער פָּסוּק זָאל מְקוּיָם וֶוערְן.
13
אָבֶּער אִיצְט קוּם אִיךְ צוּ דִיר; אוּן דָאס רֶעד אִיךְ אִין דֶער וֶועלְט, כְּדֵי זֵיי זָאלְן הָאבְּן אִין זִיךְ מַיין פוּלֶע שִׂמְחָה.
14
אִיךְ הָאבּ זֵיי גֶעגֶעבְּן דַיין וָוארְט; אוּן דִי וֶועלְט הָאט זֵיי פַיינְט גֶעהַאט, מַחְמַת זֵיי זֶענֶען נִישְׁט פוּן דֶער וֶועלְט, פּוּנְקְט וִוי אִיךְ בִּין נִישְׁט פוּן דֶער וֶועלְט.
15
אִיךְ בֶּעט נִישְׁט, אַז דוּ זָאלְסְט זֵיי אַרוֹיסְנֶעמֶען פוּן דֶער וֶועלְט, נַייעֶרְט אַז דוּ זָאלְסְט זֵיי אָפְּהִיטְן פוּן דֶעם בֵּייזְן.
16
זֵיי זֶענֶען נִישְׁט פוּן דֶער וֶועלְט, פּוּנְקְט וִוי אִיךְ בִּין נִישְׁט פוּן דֶער וֶועלְט.
17
הֵיילִיק זֵיי אִין דֶעם אֶמֶת; דַיין וָוארְט אִיז אֶמֶת.
18
אַזוֹי וִוי דוּ הָאסְט מִיךְ גֶעשִׁיקְט אִין דֶער וֶועלְט אַרַיין, פּוּנְקְט אַזוֹי הָאבּ אִיךְ זֵיי גֶעשִׁיקְט אִין דֶער וֶועלְט אַרַיין.
19
אוּן פוּן זֵייעֶרְטְוֶועגְן הֵיילִיק אִיךְ מִיךְ, כְּדֵי זֵיי זָאלְן אוֹיךְ גֶעהֵיילִיקְט זַיין אִין דֶעם אֶמֶת.
20
אוּן נִישְׁט נָאר פַאר דִי דָאזִיקֶע אַלֵיין בֶּעט אִיךְ, נַייעֶרְט אוֹיךְ פַאר יֶענֶע, וָואס וֶועלְן גְלוֹיבְּן אִין מִיר דוּרְךְ זֵייעֶר וָוארְט,
21
כְּדֵי זֵיי זָאלְן אַלֶע זַיין אֵיינְס; אַזוֹי וִוי דוּ, פָאטֶער, בִּיסְט אִין מִיר, אוּן אִיךְ אִין דִיר, אַז זֵיי זָאלְן אוֹיךְ זַיין אִין אוּנְדְז, כְּדֵי דִי וֶועלְט זָאל גְלוֹיבְּן, אַז דוּ הָאסְט מִיךְ גֶעשִׁיקְט.
22
אוּן דֶעם כָּבוֹד, וָואס דוּ הָאסְט מִיר גֶעגֶעבְּן, הָאבּ אִיךְ זֵיי גֶעגֶעבְּן, כְּדֵי זֵיי זָאלְן זַיין אֵיינְס, אַזוֹי וִוי מִיר זֶענֶען אֵיינְס,
23
אִיךְ אִין זֵיי, אוּן דוּ אִין מִיר, כְּדֵי זֵיי זָאלְן וֶוערְן שְׁלֵימוּתְדִיק אֵיינְס, כְּדֵי דִי וֶועלְט זָאל וִויסְן, אַז דוּ הָאסְט מִיךְ גֶעשִׁיקְט, אוּן הָאסְט זֵיי לִיבּ גֶעהַאט, אַזוֹי וִוי דוּ הָאסְט מִיךְ לִיבּ גֶעהַאט.
24
פָאטֶער, אִיךְ וִויל, אַז אוֹיךְ דִי, וֶועמֶען דוּ הָאסְט מִיר גֶעגֶעבְּן, זָאלְן זַיין מִיט מִיר, וואוּ אִיךְ בִּין, כְּדֵי זֵיי זָאלְן קֶענֶען זֶען מַיין כָּבוֹד, וָואס דוּ הָאסְט מִיר גֶעגֶעבְּן, וָוארִים דוּ הָאסְט מִיךְ לִיבּ גֶעהַאט, נָאךְ פַאר דֶער גְרִינְדוּנְג פוּן דֶער וֶועלְט.
25
אָ, רֶעכְטְפַארְטִיקֶער פָאטֶער, דִי וֶועלְט הָאט דִיךְ נִישְׁט גֶעקֶענְט, אָבֶּער אִיךְ הָאבּ דִיךְ גֶעקֶענְט; אוּן דִי דָאזִיקֶע וֵוייסְן, אַז דוּ הָאסְט מִיךְ גֶעשִׁיקְט.
26
אוּן אִיךְ הָאבּ פַאר זֵיי בַּאקַאנְט גֶעמַאכְט דַיין נָאמֶען, אוּן אִיךְ וֶועל אִים בַּאקַאנְט מַאכְן, כְּדֵי דִי לִיבְּשַׁאפְט, מִיט וֶועלְכֶער דוּ הָאסְט מִיךְ לִיבּ גֶעהַאט, זָאל זַיין אִין זֵיי, אוּן אִיךְ אִין זֵיי.