אידיש
1
אוּן אִין דֶעם פוּפְצְנְטְן יָאר פוּן קֵיסָר טִיבֶּערִיוּס מְלוּכָה, בְּעֵת פָּאנְטִיוּס פִּילַאטוּס אִיז גֶעוֶוען גוֹבֶערְנַאטָאר פוּן יְהוּדָה, אוּן הוֹרְדוֹס אִיז גֶעוֶוען טֶעטְרַארְךְ פוּן גָלִיל, אוּן זַיין בְּרוּדֶער פִילִיפּוּס טֶעטְרַארְךְ פוּן דֶער גֶעגְנְט אִיטוּרְיֶע אוּן טַרְכוֹנָא, אוּן לוּסַאנִיוּס טֶעטְרַארְךְ פוּן אַבִּילִין,
2
בְּעֵת חָנָן אוּן קֵיפָא זֶענֶען גֶעוֶוען כֹּהַנִים־גְדוֹלִים, אִיז גֶעקוּמֶען דָאס וָוארְט פוּן גָאט צוּ יוֹחָנָן בֶּן־זְכַרְיָה אִין דֶער מִדְבָּר.
3
אוּן עֶר אִיז גֶעקוּמֶען אִין דֶער גַאנְצֶער גֶעגְנְט פוּן יַרְדֵן, אוּן הָאט גֶעדַרְשְׁנְט דִי טְבִילָה פוּן תְּשׁוּבָה פַאר דֶער פַארְגֶעבּוּנְג פוּן זִינְד.
4
וִוי סֶע שְׁטֵייט גֶעשְׁרִיבְּן אִין דֶעם סֵפֶר פוּן דִי רֵייד פוּן יְשַׁעְיָהוּ הַנָבִיא: אַ קוֹל רוּפְט אִין דֶער מִדְבָּר, מַאכְט גְרֵייט דֶעם וֶועג פוּן גָאט, גְלַייכְט אוֹיס זַיינֶע שְׁטֶעגְן.
5
יֶעדֶער טָאל זָאל דֶערְהוֹיבְּן וֶוערְן, אוּן יֶעדֶער בַּארְג אוּן הֵייךְ זָאלְן דֶערְנִידֶערִיקְט וֶוערְן; אוּן דָאס קְרוּמֶע זָאל וֶוערְן גְלַייךְ, אּוּן דִי בַּארְגְקֵייטְן אַ פְּלוֹין.
6
אוּן אַלֶע לַייבֶּער זָאלְן זֶען דִי יְשׁוּעָה פוּן גָאט.
7
אוּן עֶר הָאט דֶערִיבֶּער גֶעזָאגְט צוּם פָאלְק, וָואס אִיז אַרוֹיסְגֶעגַאנְגֶען פוּן אִים גֶעטוֹבְלְט צוּ וֶוערְן: אִיר שְׁפְּרָאץ פוּן שְׁלַאנְגֶען! וֶוער הָאט אַייךְ גֶעוָוארְנְט צוּ אַנְטְרִינֶען פוּן דֶעם אָנְקוּמֶענְדִיקְן צָארְן?
8
בְּרֶענְגְט דֶערִיבֶּער פֵּירוֹת, וָואס זֶענֶען רָאוּי פַאר תְּשׁוּבָה, אוּן רֶעדְט אַייךְ נִישְׁט אַיין; אַבְרָהָם אִיז אוּנְדְזֶער פָאטֶער; וָוארִים אִיךְ זָאג אַייךְ, גָאט קָאן פוּן דִי דָאזִיקֶע שְׁטֵיינֶער אוֹיפְשְׁטֶעלְן קִינְדֶער פַאר אַבְרָהָם.
9
אוּן אָט לִיגְט שׁוֹין דִי הַאק בַּיים וָוארְצְל פוּן דִי בֵּיימֶער; דֶערִיבֶּער, יֶעדֶער בּוֹים, וָואס בְּרֶענְגְט נִישְׁט אַרוֹיס קֵיין גוּטֶע פֵּירוֹת, וֶוערְט אָפְּגֶעהַאקְט אוּן אַרַיינְגֶעוָוארְפְן אִין פַייעֶר אַרַיין.
10
אוּן דָאס פָאלְק הָאט אִים גֶעפְרֶעגְט: וָואס אֵייגְנְטְלֶעךְ זָאלְן מִיר טָאן?
11
הָאט עֶר גֶעעֶנְטְפֶערְט, אוּן צוּ זֵיי גֶעזָאגְט: דֶער, וָואס הָאט צְוֵויי רֶעק, זָאל זִיךְ טֵיילְן מִיט דֶעם, וָואס הָאט גָארְנִישְׁט; אוּן דֶער, וָואס הָאט שְׁפַּייז, זָאל אוֹיךְ אַזוֹי טָאן.
12
אוּן עֶס זֶענֶען אוֹיךְ גֶעקוּמֶען מוֹכְסִים גֶעטוֹבְלְט צוּ וֶוערְן, אוּן זֵיי הָאבְּן צוּ אִים גֶעזָאגְט: רֶבִּי, וָואס זָאלְן מִיר טָאן?
13
הָאט עֶר צוּ זֵיי גֶעזָאגְט: פָאדֶערְט נִישְׁט מֶער וִוי סֶע אִיז פַאר אַייךְ בַּאשְׁטִימְט.
14
אוּן אוֹיךְ זֶעלְנֶער הָאבְּן אִים גֶעפְרֶעגְט, אַזוֹי צוּ זָאגְן: אוּן מִיר, וָואס זָאלְן מִיר טָאן? הָאט עֶר צוּ זֵיי גֶעזָאגְט: אִיר זָאלְט קֵיינֶעם נִישְׁט פְּלָאגְן אוּן בַּארוֹיבְּן, אוּן זַייט צוּפְרִידְן מִיט אַייעֶר לוֹין.
15
אוּן בְּעֵת דָאס פָאלְק אִיז גֶעוֶוען אִין אַ שְׁטִימוּנְג פוּן דֶערְוַוארְטוּנְג, אוּן אַלֶע הָאבְּן גֶעטְרַאכְט אִין זֵייעֶרֶע הֶערְצֶער וֶועגְן יוֹחָנָן, צוּ אִיז עֶר נִישְׁט אֶפְשָׁר דֶער מָשִׁיחַ,
16
הָאט יוֹחָנָן זֵיי גֶעעֶנְטְפֶערְט, אוּן גֶעזָאגְט: אִיךְ טוֹבְל אַייךְ מִיט וַואסֶער; סֶע קוּמְט אָבֶּער אַ שְׁטַארְקֶערֶער פוּן מִיר, וֶועמֶען אִיךְ בִּין נִישְׁט רָאוּי אוֹיפְצוּבִּינְדְן דִי רִימֶענְדְלֶעךְ פוּן זַיינֶע שִׁיךְ, עֶר וֶועט אַייךְ טוֹבְלֶען מִיט דֶעם רוּחַ־הַקוֹדֶשׁ אוּן מִיט פַייעֶר.
17
זַיין וִוינְטְשׁוֹיפְל אִיז אִין זַיין הַאנְט, אוּן עֶר וֶועט גוּט אוֹיסְרֵיינִיקְן זַיין שַׁייעֶר, אוּן אַיינְזַאמְלֶען דֶעם וֵוייץ אִין זַיין שְׁפֵּייכְלֶער אַרַיין, אָבֶּער דִי שְׁטְרוֹי וֶועט עֶר פַארְבְּרֶענֶען מִיט אַן אוּמְפַארְלֶעשְׁלֶעכְן פַייעֶר.
18
אוּן אוֹיף אַזַא אוֹיפְן, אוּן מִיט אַ סַך אַנְדֶערֶע וָוארְעֶנוּנְגֶען הָאט עֶר אָנְגֶעזָאגְט דִי בְּשׂוּרָה פַאר דֶעם פָאלְק.
19
אָבֶּער דֶער טֶעטְרַארְךְ הוֹרְדוֹס, וַוייל עֶר אִיז פוּן אִים גֶעמוּסְרְט גֶעוָוארְן צוּלִיבּ הוֹרוֹדְיָה, זַיין בְּרוּדֶערְס וַוייבּ, אוּן פַאר דֶעם גַאנְצְן רִשְׁעוּת, וָואס הוֹרְדוֹס הָאט גֶעטָאן,
20
הָאט צוּ דֶעם אַלֶעם נָאךְ צוּגֶעגֶעבְּן דָאס, וָואס עֶר הָאט אַיינְגֶעשְׁפַּארְט יוֹחָנָן אִין דֶער תְּפִיסָה.
21
אוּן עֶס אִיז גֶעוֶוען, בְּעֵת דָאס גַאנְצֶע פָאלְק אִיז גֶעטוֹבְלְט גֶעוָוארְן, אוּן יֵשׁוּעַ אִיז אוֹיךְ גֶעטוֹבְלְט גֶעוָוארְן, אוּן הָאט מִתְפַּלֵל גֶעוֶוען, הָאט דֶער הִימְל זִיךְ גֶעשְׁפָּאלְטְן,
22
אוּן דֶער רוּחַ־הַקוֹדֶשׁ הָאט אַרָאפְּגֶענִידֶערְט אוֹיף אִים אִין אַ לַייבְּלֶעכֶער גֶעשְׁטַאלְט, וִוי אַ טוֹיבּ, אוּן אַ קוֹל אִיז אַרוֹיס פוּן הִימְל: דוּ בִּיסְט מַיין גֶעלִיבְּטֶער זוּן; אִין דִיר אִיז מַיין וָואוֹילְגֶעפֶעלְן.
23
אוּן יֵשׁוּעַ, בְּעֵת עֶר הָאט אָנְגֶעהוֹיבְּן זַיין שְׁלִיחוּת, אִיז אַלְט גֶעוֶוען אַרוּם דְרַייסִיק יָאר, אוּן עֶר אִיז גֶעוֶוען, וִוי מֶען הָאט גֶעמֵיינְט, דֶער זוּן פוּן יוֹסֵף בֶּן־עֵלִי,
24
דֶער זוּן פוּן מַתָּת, דֶער זוּן פוּן לֵוִי, דֶער זוּן פוּן מַלְכִּי, דֶער זוּן פוּן יַנַי, דֶער זוּן פוּן יוֹסֵף,
25
דֶער זוּן פוּן מַתִּתְיָהוּ, דֶער זוּן פוּן אָמוֹץ, דֶער זוּן פוּן נָחוּם, דֶער זוּן פוּן חֶסְלִי, דֶער זוּן פוּן נַגָי,
26
דֶער זוּן פוּן מַחַת, דֶער זוּן פוּן מַתִּתְיָהוּ, דֶער זוּן פוּן שִׁמְעִי, דֶער זוּן פוּן יוֹסֵף, דֶער זוּן פוּן יוֹדָה,
27
דֶער זוּן פוּן יוֹחָנָן, דֶער זוּן פוּן רֵישָׁא, דֶער זוּן פוּן זְרוּבָּבֶל, דֶער זוּן פוּן שְׁאַלְתִּיאֵל, דֶער זוּן פוּן נֵרִי,
28
דֶער זוּן פוּן מַלְכִּי, דֶער זוּן פוּן אַדִי, דֶער זוּן פוּן קוֹסָם, דֶער זוּן פוּן אַלְמוֹדָם, דֶער זוּן פוּן עֵר,
29
דֶער זוּן פוּן יֵשׁוּעַ, דֶער זוּן פוּן אֶלִיעֶזֶר, דֶער זוּן פוּן יוֹרִים, דֶער זוּן פוּן מַתָּת, דֶער זוּן פוּן לֵוִי,
30
דֶער זוּן פוּן שִׁמְעוֹן, דֶער זוּן פוּן יְהוּדָה, דֶער זוּן פוּן יוֹסֵף, דֶער זוּן פוּן יוֹנָם, דֶער זוּן פוּן אֶלְיָקִים,
31
דֶער זוּן פוּן מַלְיָא, דֶער זוּן פוּן מִינָא, דֶער זוּן פוּן מַתַּתָּה, דֶער זוּן פוּן נָתָן, דֶער זוּן פוּן דָוִד,
32
דֶער זוּן פוּן יִשַׁי, דֶער זוּן פוּן עוֹבֵד, דֶער זוּן פוּן בּוֹעַז, דֶער זוּן פוּן שַׂלְמוֹן, דֶער זוּן פוּן נַחְשׁוֹן,
33
דֶער זוּן פוּן עַמִינָדָב, דֶער זוּן פוּן אַרָם, דֶער זוּן פוּן חֶצְרוֹן, דֶער זוּן פוּן פֶּרֶץ, דֶער זוּן פוּן יְהוּדָה,
34
דֶער זוּן פוּן יַעֲקֹב, דֶער זוּן פוּן יִצְחָק, דֶער זוּן פוּן אַבְרָהָם, דֶער זוּן פוּן תֶּרַח, דֶער זוּן פוּן נָחוֹר,
35
דֶער זוּן פוּן שְׂרוּג, דֶער זוּן פוּן רְעוּ, דֶער זוּן פוּן פֶּלֶג, דֶער זוּן פוּן עֵבֶר, דֶער זוּן פוּן שֶׁלַח,
36
דֶער זוּן פוּן קֵינָן, דֶער זוּן פוּן אַרְפַּכְשַׁד, דֶער זוּן פוּן שֵׁם, דֶער זוּן פוּן נֹחַ, דֶער זוּן פוּן לֶמֶךְ,
37
דֶער זוּן פוּן מְתוּשֶׁלַח, דֶער זוּן פוּן חֲנוֹךְ, דֶער זוּן פוּן יֶרֶד, דֶער זוּן פוּן מַהֲלַלְאֵל, דֶער זוּן פוּן קֵינָן,
38
דֶער זוּן פוּן אֱנוֹשׁ, דֶער זוּן פוּן שֵׁת, דֶער זוּן פוּן אָדָם, דֶער זוּן פוּן גָאט.