אידיש
1
אוּן עֶס אִיז גֶעוֶוען, בְּעֵת עֶר אִיז אִין אַ שַׁבָּת אַרַיינְגֶעגַאנְגֶען אִין דֶעם הוֹיז פוּן אֵיינֶעם פוּן דִי רָאשֵׁי־הַפְּרוּשִׁים צוּ עֶסְן בְּרוֹיט, הָאבְּן זֵיי גֶעלוֹיעֶרְט אוֹיף אִים.
2
אוּן אָט אִיז פַאר אִים גֶעשְׁטַאנֶען אַ מֶענְטְשׁ, וָואס הָאט גֶעהַאט אַ וַואסֶער־גֶעשְׁוִוילֶעכְץ.
3
אוּן יֵשׁוּעַ הָאט גֶערֶעדְט צוּ דִי חֲכָמִים אוּן פְּרוּשִׁים, אַזוֹי צוּ זָאגְן: מֶעג מֶען הֵיילְן אוּם שַׁבָּת, אָדֶער נִישְׁט?
4
אָבֶּער זֵיי הָאבְּן גֶעשְׁוִויגְן. אוּן עֶר הָאט אִים גֶענוּמֶען אוּן אִים גֶעהֵיילְט, אוּן הָאט אִים אָפְּגֶעלָאזְט.
5
אוּן עֶר הָאט צוּ זֵיי גֶעזָאגְט: וֶוען עֶמִיצְן פוּן אַייךְ זָאל טְרֶעפְן, אַז אַן אֵייזְל אָדֶער אַן אָקְס זָאל אַרַיינְפַאלְן אִין אַ בְּרוּנֶעם, צִי וֶועט עֶר אִים נִישְׁט תֵּיכֵּף אַרוֹיסְצִיעֶן אוּם שַׁבָּת?
6
אוּן זֵיי הָאבְּן אִים נִישְׁט גֶעקָאנְט עֶנְטְפֶערְן דֶערְוֹיף.
7
אוּן עֶר הָאט גֶעזָאגְט אַ מָשָׁל צוּ יֶענֶע, וָואס זֶענֶען גֶעוֶוען פַארְבֶּעטְן, בְּעֵת עֶר הָאט גֶעזֶען, וִוי זֵיי הָאבְּן זִיךְ אוֹיסְגֶעקְלִיבְּן דִי חָשׁוּבְסְטֶע פְּלֶעצֶער; אוּן עֶר הָאט צוּ זֵיי גֶעזָאגְט:
8
וֶוען עֶמִיצֶער וֶועט דִיךְ פַארְבֶּעטְן אוֹיף אַ חַתוּנָה, זָאלְסְטוּ דִיךְ נִישְׁט זֶעצְן אוֹיבְּן־אָן, וַוייל טָאמֶער וֶועט אַ מֶער חָשׁוּבֶער וִוי דוּ פוּן אִים פַארְבֶּעטְן וֶוערְן;
9
אוּן דֶער, וָואס הָאט דִיךְ אוּן אִים פַארְבֶּעטְן, וֶועט קוּמֶען אוּן זָאגְן צוּ דִיר: מַאך פְּלַאץ פַאר דֶעם דָאזִיקְן מֶענְטְשְׁן, אוּן דֶעמָאלְט וֶועסְטוּ מִיט בּוּשָׁה פַארְנֶעמֶען דֶעם לֶעצְטְן פְּלַאץ.
10
נַייעֶרְט וֶוען דוּ וֶוערְסְט פַארְבֶּעטְן, גֵיי אוּן זֶעץ דִיךְ אוֹיף דֶעם לֶעצְטְן פְּלַאץ; כְּדֵי וֶוען דֶער, וָואס הָאט דִיךְ פַארְבֶּעטְן, וֶועט קוּמֶען, זָאל עֶר קֶענֶען זָאגְן צוּ דִיר: פְרַיינְט, גֵיי אַרוֹיף הֶעכֶער; דֶעמָאלְט וֶועסְטוּ הָאבְּן כָּבוֹד פַאר אַלֶע, וָואס זִיצְן בַּיים טִישׁ מִיט דִיר.
11
וָוארִים יֶעדֶער אֵיינֶער, וָואס וֶועט זִיךְ אַלֵיין דֶערְהֵייכְן, וֶועט דֶערְנִידֶערִיקְט וֶוערְן; אוּן וֶוער סֶע וֶועט זִיךְ אַלֵיין דֶערְנִידֶערִיקְן, וֶועט וֶוערְן דֶערְהֵייכְט.
12
אוּן עֶר הָאט אוֹיךְ גֶעזָאגְט צוּ דֶעם, וָואס הָאט אִים פַארְבֶּעטְן: בְּעֵת דוּ מַאכְסְט אַ מִיטָאג אָדֶער אַן אָוְונְט־סְעוּדָה, זָאלְסְטוּ נִישְׁט פַארְבֶּעטְן דַיינֶע פְרַיינְט, אָדֶער דַיינֶע בְּרִידֶער, אָדֶער דַיינֶע קְרוֹבִים, אָדֶער רַייכֶע שְׁכֵנִים, וַוייל טָאמֶער וֶועלְן זֵיי דִיךְ פַארְבֶּעטְן צוּרִיק, אוּן דָאס וֶועט דִיר זַיין אַ .
13
נַייעֶרְט בְּעֵת דוּ מַאכְסְט אַ סְעוּדָה, פַארְבֶּעט דִי אָרֶעמֶעלַייט, דִי גֶעמוּמְטֶע, דִי לָאמֶע, אוּן דִי בְּלִינְדֶע.
14
אוּן דוּ וֶועסְט זַיין גֶעבֶּענְטְשְׁט, מַחְמַת זֵיי הָאבְּן נִישְׁט מִיט וָואס דִיר צוּ וָוארִים דוּ וֶועסְט וֶוערְן פַארְגֶעלְטְן,1 בְּעֵת דִי צַדִיקִים וֶועלְן אוֹיפְשְׁטֵיין תְּחִיַת־הַמֵתִים.
15
אוּן וֶוען אֵיינֶער פוּן דִי, וָואס זֶענֶען מִיט אִים גֶעזֶעסְן בַּיים טִישׁ, הָאט דָאס גֶעהֶערְט, הָאט עֶר גֶעזָאגְט: וָואוֹיל אִיז דֶעם, וָואס וֶועט עֶסְן בְּרוֹיט אִין דֶעם מַלְכוּת פוּן גָאט!
16
אָבֶּער עֶר הָאט צוּ אִים גֶעזָאגְט: אֵיינֶער אַ מֶענְטְשׁ הָאט גֶעמַאכְט אַ גְרוֹיסֶע סְעוּדָה, אוּן הָאט פַארְבֶּעטְן אַ סַך;
17
אוּן עֶר הָאט אַרוֹיסְגֶעשִׁיקְט זַיין קְנֶעכְט אִין דֶער צַייט פוּן דֶער סְעוּדָה, צוּ זָאגְן דִי, וָואס זֶענֶען פַארְבֶּעטְן גֶעוָוארְן: קוּמְט, וַוייל אַלְצְדִינְג אִיז שׁוֹין אָנְגֶעגְרֵייט.
18
אוּן זֵיי הָאבְּן זִיךְ אַלֶע מִיטְאַמָאל אָנְגֶעהוֹיבְּן צוּ אַנְטְשׁוּלדִיקְן. דֶער עֶרְשְׁטֶער הָאט צוּ אִים גֶעזָאגְט: אִיךְ הָאבּ גֶעקוֹיפְט אַ פֶעלְד, אוּן אִיךְ מוּז עֶס גֵיין זֶען; אִיךְ בֶּעט דִיךְ, זַיי מִיר מוֹחְל.
19
אוּן אַן אַנְדֶערֶער הָאט גֶעזָאגְט: אִיךְ הָאבּ גֶעקוֹיפְט פִינְף יָאךְ אָקְסְן, אוּן אִיךְ גֵיי זֵיי אוֹיסְפְּרוּאוְון; אִיךְ בֶּעט דִיךְ, זַיי מִיר מוֹחְל.
20
אוּן אַן אַנְדֶערֶער הָאט גֶעזָאגְט: אִיךְ הָאבּ גֶענוּמֶען אַ וַוייבּ. אוּן אִיךְ קָאן דֶערִיבֶּער נִישְׁט קוּמֶען.
21
אוּן דֶער קְנֶעכְט אִיז גֶעקוּמֶען, אוּן הָאט דָאס אַלְץ דֶערְצֵיילְט צוּ זַיין הַאר. דֶעמָאלְט אִיז דֶער בַּעַל־הַבָּית אִין כַּעַס גֶעוָוארְן, אוּן הָאט גֶעזָאגְט צוּ זַיין קְנֶעכְט: גֵיי גִיךְ אַרוֹיס אוֹיף דִי גַאסְן אוּן שְׁטֶעגְן פוּן דֶער שְׁטָאט, אוּן בְּרֶענְג אַהֶער דִי אָרֶעמֶע אוּן גֶעמוּמְטֶע אוּן דִי בְּלִינְדֶע אוּן לָאמֶע.
22
אוּן דֶער קְנֶעכְט הָאט גֶעזָאגְט: הַאר, וָואס דוּ הָאסְט בַּאפוֹילְן, אִיז גֶעטָאן גֶעוָוארְן, אוּן דָאךְ אִיז נָאךְ פַארַאן פְּלַאץ.
23
אוּן דֶער הַאר הָאט גֶעזָאגְט צוּ דֶעם קְנֶעכְט: גֵיי אַרוֹיס אוֹיף דִי וֶועגְן אוּן צוֹימֶען, אוּן נֵייט זֵיי אַרַיינְצוּקוּמֶען, כְּדֵי מַיין הוֹיז זָאל וֶוערְן פוּל.
24
וָוארִים אִיךְ זָאג אַייךְ, אַז קֵיינֶער פוּן יֶענֶע לַייט, וָואס זֶענֶען פַארְבֶּעטְן גֶעוָוארְן, וֶועט פַארְזוּכְן פוּן מַיין סְעוּדָה.
25
אוּן אַ גְרוֹיסֶער עוֹלָם אִיז מִיט אִים גֶעגַאנְגֶען; אוּן עֶר הָאט זִיךְ אוֹיסְגֶעדְרֵייט, אוּן הָאט צוּ זֵיי גֶעזָאגְט:
26
דֶער, וָואס קוּמְט צוּ מִיר, אוּן הַאסְט נִישְׁט זַיין פָאטֶער, אוּן מוּטֶער, אוּן וַוייבּ, אוּן קִינְדֶער, אוּן בְּרִידֶער, אוּן שְׁוֶועסְטֶער, אוּן דֶערְצוּ אוֹיךְ זַיין אֵייגְן לֶעבְּן, קָאן עֶר נִישְׁט זַיין מַיין תַּלְמִיד.
27
אוּן וֶוער סֶע טְרָאגְט נִישְׁט זַיין אֵייגֶענֶעם קְרַייץ, אוּן גֵייט מִיר נָאךְ, קָאן נִישְׁט זַיין מַיין תַּלְמִיד.
28
וָוארִים וֶוער פוּן אַייךְ, וָואס וִויל בּוֹיעֶן אַ טוּרֶעם, וֶועט זִיךְ נִישְׁט קוֹדֶם אַנִידֶערְזֶעצְן אוּן אוֹיסְרֶעכֶענֶען דִי הוֹצָאוֹת, צִי עֶר הָאט גֶענוּג צוּ פַארְעֶנְדִיקְן אִים?
29
וַוייל טָאמֶער, וֶוען עֶר וֶועט הָאבְּן גֶעלֵייגְט דֶעם פוּנְדַאמֶענְט, אוּן קָאן נִישְׁט פַארְעֶנְדִיקְן, אוּן אַלֶע, וָואס וֶועלְן עֶס זֶען, וֶועלְן אִים אוֹיסְלַאכְן,
30
אוּן זָאגְן: דֶער דָאזִיקֶער מֶענְטְשׁ הָאט אָנְגֶעהוֹיבְּן צוּ בּוֹיעֶן, אוּן הָאט נִישְׁט גֶעקָאנְט פַארְעֶנְדִיקְן.
31
אָדֶער וֶועלְכֶער מֶלֶךְ, וָואס גֵייט אַרוֹיס פִירְן מִלְחָמָה מִיט אַן אַנְדֶערְן מֶלֶךְ, וֶועט זִיךְ נִישְׁט קוֹדֶם אַנִידֶערְזֶעצְן אוּן זִיךְ מְיַעֵץ זַיין, צִי קָאן עֶר מִיט צֶען טוֹיזְנְט בַּאגֶעגֶענֶען דֶעם, וָואס קוּמְט אִים אַנְטְקֶעגְן מִיט צְוַואנְצִיק טוֹיזְנְט?
32
אוֹיבּ נִישְׁט, שִׁיקְט עֶר שְׁלוּחִים, בְּעֵת יֶענֶער אִיז נָאךְ וַוייט, אוּן בֶּעט שָׁלוֹם־בַּאדִינְגוּנְגֶען.
33
אַזוֹי אוֹיךְ אִיטְלֶעכֶער פוּן אַייךְ, וָואס זָאגְט זִיךְ נִישְׁט אָפּ פוּן אַלְץ, וָואס עֶר הָאט, קָאן עֶר נִישְׁט זַיין מַיין תַּלְמִיד.
34
זַאלְץ אִיז טַאקֶע גוּט, נָאר אוֹיבּ זַאלְץ פַארְלִירְט דֶעם טַעם, מִיט וָואס זָאל מֶען עֶס וִוירְצְן?
35
סֶע טוֹיג נִישְׁט פַאר דֶער עֶרְד, אוּן אוֹיךְ נִישְׁט פַאר דֶעם מִיסְט; מֶען וַוארְפְט עֶס אַרוֹיס. דֶער, וָואס הָאט אוֹיעֶרְן צוּ הֶערְן, זָאל הֶערְן.