אידיש
1
אוּן עֶר אִיז אַרַיינְגֶעגַאנְגֶען אִין אַ שִׁיף, אוּן אִיז אַרִיבֶּערְגֶעפָארְן, אוּן אִיז אָנְגֶעקוּמֶען אִין זַיין אֵייגֶענֶער שְׁטָאט אַרַיין.
2
אוּן אָט הָאט מֶען צוּ אִים גֶעבְּרַאכְט אַ גֶעלֵיימְטְן, וָואס אִיז גֶעלֶעגְן אוֹיף אַ גֶעלֶעגֶער; אוּן אַז יֵשׁוּעַ הָאט גֶעזֶען זֵייעֶר אֶמוּנָה, הָאט עֶר גֶעזָאגְט צוּם גֶעלֵיימְטְן; זַיי גֶעטְרֵייסְט, מַיין זוּן; דַיינֶע זִינְד זֶענֶען דִיר פַארְגֶעבְּן גֶעוָוארְן.
3
אוּן זֶע, עֶטְלֶעכֶע פוּן דִי סוֹפְרִים הָאבְּן צוּ זִיךְ גֶעזָאגְט: דֶער דָאזִיקֶער מֶענְטְשׁ לֶעסְטֶערְט.
4
אָבֶּער יֵשׁוּעַ הָאט פַארְשְׁטַאנֶען זֵייעֶרֶע מַחְשָׁבוֹת, אוּן הָאט גֶעזָאגְט: פַארְוָואס טְרַאכְט אִיר שְׁלֶעכְטְס אִין אַייעֶרֶע הֶערְצֶער?
5
וָוארִים וָואס אִיז גְרִינְגֶער, צוּ זָאגְן: דַיינֶע זִינְד זֶענֶען דִיר פַארְגֶעבְּן, אָדֶער צוּ זָאגְן: שְׁטֵיי אוֹיף, אוּן גֵיי?
6
אָבֶּער כְּדֵי אִיר זָאלְט וִויסְן, אַז דֶער בֶּן־אָדָם הָאט רְשׁוּת אוֹיף דֶער עֶרְד מוֹחֵל צוּ זַיין זִינְד - הָאט עֶר גֶעזָאגְט צוּם גֶעלֵיימְטְן - שְׁטֵיי אוֹיף, אוּן נֶעם דַיין גֶעלֶעגֶער, אוּן גֵיי אַהֵיים.
7
אוּן עֶר אִיז אוֹיפְגֶעשְׁטַאנֶען אוּן אִיז אַהֵיימְגֶעגַאנְגֶען.
8
אוּן אַז דָאס פָאלְק הָאט דָאס גֶעזֶען, הָאבְּן זֵיי זִיךְ גֶעפָארְכְטְן, אוּן הָאבְּן גֶעלוֹיבְּט גָאט, וָואס הָאט גְֶעגֶעבְּן אַזַא מַאכְט צוּ מֶענְטְשְׁן.
9
אוּן וִוי יֵשׁוּעַ אִיז פוּן דָארְטְן אַוֶועקְגֶעגַאנְגֶען, הָאט עֶר גֶעזֶען אַ מֶענְטְשְׁן, וָואס הָאט גֶעהֵייסְן מַתְּיָה, זִיצְן אוֹיפְן אוּן עֶר הָאט צוּ אִים גֶעזָאגְט: גֵיי מִיר נָאךְ. אוּן עֶר אִיז אוֹיפְגֶעשְׁטַאנֶען, אוּן אִיז אִים נָאכְגֶעגַאנְגֶען.
10
אוּן עֶס אִיז גֶעוֶוען, בְּעֵת עֶר אִיז גֶעזֶעסְן אִין הוֹיז בַּיים טִישׁ, עֶרְשְׁט אַ סַך מוֹכְסִים אוּן זִינְדִיקֶע זֶענֶען גֶעֶקוּמֶען, אוּן הָאבְּן זִיךְ אַנִידֶערְגֶעזֶעצְט מִיט יֵשׁוּעַ אוּן זֵיינֶע תַּלְמִידִים.
11
אוּן אַז דִי פְּרוּשִׁים הָאבְּן דָאס גֶעזֶען, הָאבְּן זֵיי גֶעזָאגְט צוּ זֵיינֶע תַּלְמִידִים: פַארְוָואס עֶסְט אַייעֶר רֶבְּי מִיט מוֹכְסִים אוּן זִינְדִיקֶע?
12
אוּן אַז עֶר הָאט דָאס גֶעהֶערְט, הָאט עֶר גֶעזָאגְט: דִי, וָואס זֶענֶען גֶעזוּנְט, דַארְפְן נִישְׁט הָאבְּן קֵיין רוֹפֵא, נַייעֶרְט דִי, וָואס זֶענֶען קְרַאנְק.
13
אִיר אָבֶּער גֵייט אוּן לֶערְנְט וָואס דָאס מֵיינְט: חֶסֶד בַּאגֶער אִיךְ, אוּן נִישְׁט קֵיין קָרְבָּנוֹת. וָוארִים אִיךְ בִּין נִישְׁט גֶעקוּמֶען רוּפְן דִי צַדִיקִים, נַייעֶרְט דִי זִינְדִיקֶע.
14
דֶעמָאלְט הָאבְּן גֶענֶעעֶנְט צוּ אִים דִי תַּלְמִידִים פוּן יוֹחָנָן, אוּן הָאבְּן גֶעזָאגְט: פַארְוָואס פַאסְטְן מִיר אוּן דִי פְּרוּשִׁים אָפְט, אוּן דַיינֶע תַּלְמִידִים פַאסְטְן נִישְׁט?
15
הָאט יֵשׁוּעַ צוּ זֵיי גֶעזָאגְט: קֶענֶען דִי מְחוּתָּנִים טְרוֹיעֶרְן, כָּל־זְמַן דֶער חָתָן אִיז מִיט זֵיי? סֶע וֶועלְן אָבֶּער קוּמֶען טֶעג, וֶוען דֶער חָתָן וֶועט אַוֶועקְגֶענוּמֶען וֶוערְן פוּן זֵיי, אוּן דֶעמָאלְט וֶועלְן זֵיי שׁוֹין פַאסְטְן.
16
אוּן קֵיינֶער לֵייגְט נִישְׁט אַ לַאטֶע פוּן נִישְׁט־אַיינְגֶעלָאפֶענֶעם טוּךְ אוֹיף אַן אַלְט מַלְבּוּשׁ; וַוייל דִי לַאטֶע רַייסְט זִיךְ אָפּ פוּן דֶעם מַלְבּוּשׁ, אוּן סֶע וֶוערְט נָאךְ אַן עֶרגֶערֶער רִיס.
17
מֶע טוּט אוֹיךְ נִישְׁט אַרְיינְגִיסְן קֵיין נַייעֶם וַויין אִין אַלטֶע לָאגְלֶען; אַנדֶערְשׁ צֶעפְּלַאצְן דִי לָאגְלֶען, אוּן דֶער וַויין טוּט זִיךְ צֶעגִיסְן, אוּן דִי לָאגְלֶען גֵייעֶן פַארְלוֹירְן. נַייעֶרְט נַייעֶם וַויין גִיסְט מֶען אַרֵיין אִין נַייעֶ לָאגְלֶען, אוּן בֵּיידֶע זֶענֶען בַּאוָוארְנְט.
18
בְּשַׁעַת עֶר הָאט אַזוֹי צוּ זֵיי גֶערֶעדְט, אִיז גֶעקוּמֶען אַ שַׂר, אוּן הָאט זִיךְ פַאר אִים גֶעבּוּקְט, אוּן גֶעזָאגְט: מַיין טָאכְטֶער אִיז אָקעֶרשְׁט גֶעשְׁטָארְבְּן; קוּם, אוּן לֵייג אַרוֹיף אוֹיף אִיר דַיין הַאנְט, וֶועט זִי לֶעבֶּן.
19
אוּן יֵשׁוּעַ אִיז אוֹיפְגֶעשְׁטַאנֶען, אוּן אִיז אִים נָאכְגֶעגַאנְגֶען מִיט זֵיינֶע תַּלְמִידִים.
20
אוּן זֶע, אַ פְרוֹי, וָואס הָאט צְוֶועלְף יָאר גֶעלִיטְן פוּן אַ בְּלוּטְפְלוּס, הָאט גֶענֶעעֶנְט הִינְטֶער אִים אוּן הָאט אָנְגֶערִירְט דִי עֶק פוּן זַיין מַלְבּוּשׁ;
21
וָוארִים זִי הָאט בַּיי זִיךְ גֶעטְרַאכְט: אוֹיבּ אִיךְ וֶועל נָאר אָנְרִירְן זַיין מַלְבּוּשׁ, וֶועל אִיךְ וֶוערְן גֶעזוּנְט.
22
אוּן יֵשׁוּעַ הָאט זִיךְ אוֹיסְגֶעדְרֵייט, אוּן אַז עֶר הָאט זִי גֶעזֶען, הָאט עֶר גֶעזָאגְט: זַיי גֶעטְרֵייסְט, טָאכְטֶער מַיינֶע; דַיין אֶמוּנָה הָאט דִיר גֶעהָאלְפְן. אוּן דִי פְרוֹי אִיז גֶעזוּנְט גֶעוָוארְן פוּן יֶענֶער שָׂעָה אָן.
23
אוּן אַז יֵשׁוּעַ אִיז אַרַיינְגֶעקוּמֶען אִין דֶעם שַׂרְס הוֹיז אַרַיין, אוּן גֶעזֶען דִי פְלַייטְנְשְׁפִּילֶער, אוּן דֶעם טוּמְלְדִיקְן עוֹלָם,
24
הָאט עֶר גֶעזָאגְט: גֵייט אַרוֹיס; וָוארִים דָאס מֵיידְל אִיז נִישְׁט גֶעשְׁטָארְבְּן, נַייעֶרְט זִי שְׁלָאפְט. אוּן זֵיי הָאבְּן אִים גוּט אוֹיסְגֶעלַאכְט.
25
אָבֶּער אַז מֶען הָאט דֶעם עוֹלָם אַרוֹיסְגֶעשִׁיקְט, אִיז עֶר אַרַיינְגֶעגַאנְגֶען, אוּן הָאט זִי אָנְגֶענוּמֶען בַּיי דֶער הַאנְט, אוּן דָאס מֵיידְל אִיז אוֹיפְגֶעשְׁטַאנֶען.
26
אוּן דִי יְדִיעָה וֶועגְן דֶעם הָאט זִיךְ פַארְשְׁפְּרֵייט אִין יֶענֶעם גַאנְצְן לַאנְד.
27
אוּן וִוי יֵשׁוּעַ אִיז פוּן דָארְטְן אַוֶועקְגֶעגַאנְגֶען, זֶענֶען אִים נָאכְגֶעגַאנְגֶען צְוֵויי בְּלִינְדֶע, וָואס הָאבְּן גֶעשְׁרִיגְן, אוּן גֶעזָאגְט: דֶערְבַּארֶעם זִיךְ אוֹיף אוּנְדְז, בֶּן־דָוִד.
28
אוּן אַז עֶר אִיז אַרַיינְגֶעקוּמֶען אִין דֶעם הוֹיז אַרַיין, הָאבְּן דִי בְּלִינְדֶע גֶענֶעעֶנְט צוּ אִים; אוּן יֵשׁוּעַ הָאט צוּ זֵיי גֶעזָאגְט: גְלוֹיבְּט אִיר, אַז אִיךְ בִּין בְּכּוֹחַ דָאס צוּ טָאן? הָאבְּן זֵיי צוּ אִים גֶעזָאגְט: יָא, הַאר.
29
דֶעמָאלְט הָאט עֶר בַּארִירְט זֵייעֶרֶע אוֹיגְן אוּן גֶעזָאגְט: לוֹיט וִוי אַייעֶר אֶמוּנָה, אַזוֹי זָאל אַייךְ גֶעשֶׁען.
30
אוּן זֵייעֶרֶע אוֹיגְן זֶענֶען גֶעעֶפְנְט גֶעוָוארְן. אוּן יֵשׁוּעַ הָאט זֵיי שְׁטְרֶענְג בַּאפוֹילְן, אוּן גֶעזָאגְט: זֶעט אַז קֵיינֶער זָאל עֶס נִישְׁט וִויסְן.
31
אָבֶּער זֵיי זֶענֶען אַרוֹיסְגֶעגַאנְגֶען, אוּן הָאבְּן פַארְשְׁפְּרֵייט זַיין שֶׁם אִין יֶענֶעם גַאנְצְן לַאנְד.
32
אוּן וִוי זֵיי זֶענֶען אַרוֹיסְגֶעגַאנְגֶען, הָאט מֶען צוּ אִים גֶעבְּרַאכְט אַ שְׁטוּמֶען, וָואס אִיז גֶעוֶוען בַּאזֶעסְן פוּן אַ בֵּייזְן גֵייסְט.
33
אוּן אַז דֶער בֵּייזֶער גֵייסְט אִיז אַרוֹיסְגֶעטְרִיבֶּן גֶעוָוארְן, הָאט דֶער שְׁטוּמֶער גֶערֶעדְט; אוּן דָאס פָאלְק הָאט זִיךְ גֶעחִידוּשְׁט, אוּן גֶעזָאגְט: אַזוֹינְס אִיז נָאךְ קֵיינְמָאל נִישְׁט גֶעזֶען גֶעוָוארְן אִין יִשְׂרָאֵל.
34
אָבֶּער דִי פְּרוּשִׁים הָאבְּן גֶעזָאגְט: דוּרְךְ דֶעם שַׂר פוּן דִי בֵּייזֶע גֵייסְטעֶר טְרַייבְּט עֶר אַרוֹיס בֵּייזֶע גֵייסְטעֶר.
35
אוּן יֵשׁוּעַ אִיז אַרוּמְגֶעגַאנְגֶען אִיבֶּער אַלֶע שְׁטֶעדְט אוּן דֶערְפֶער, הָאט גֶעלֶערְנְט אִין זֵייעֶרֶע שׁוּלְן, אוּן אָנְגֶעזָאגְט דִי בְּשׂוּרָה פוּן דֶעם אוּן גֶעהֵיילְט יֶעדֶע מִין קְרַאנְקְהֵייט אוּן יֶעדְן מִין וֵוייטִיק.
36
אוּן אַז עֶר הָאט גֶעזֶען דָאס פָאלְק, הָאט אִים אָנְגֶענוּמֶען אַ רַחֲמָנוּת אוֹיף זֵיי, וַוייל זֵיי זֶענֶען גֶעוֶוען אוּן וִוי שָׁאף וָואס הָאבְּן נִישְׁט קֵיין פַּאסְטֶעךְ.
37
דֶעמָאלְט הָאט עֶר גֶעזָאגְט צוּ זֵיינֶע תַּלְמִידִים: דֶער אִיז בֶּאֱמֶת גְרוֹיס, אָבֶּער דִי אַרְבֶּעטֶער זֶענֶען וִוינְצִיק.
38
בֶּעט דֶערִיבֶּער דֶעם הַאר פוּן דֶעם אַז עֶר זָאל אַרוֹיסְשִׁיקְן אַרְבֶּעטֶער צוּ זַיין