Yiddish
Hebrew
אידיש
1 אוּן נָאךְ מוֹצָאֵי־שַׁבָּת, בְּעֵת עֶס הָאט אָנְגֶעהוֹיבְּן צוּ טָאגְן אוֹיף דֶעם עֶרשְׁטְן טָאג נָאךְ דֶעם שַׁבָּת, אִיז מִרְיָם פוּן מַגְדָלָה, אוּן דִי אַנְדֶערֶע מִרְיָם, גֶעקוּמֶען זֶען דֶעם קֵבֶר. 2 אוּן אָט אִיז גֶעשֶׁען אַ גְרוֹיס עֶרְדְצִיטֶערְנִישׁ; וָוארִים אַ מַלְאַךְ פוּן גָאט הָאט אַרָאפְּגֶענִידֶערְט פוּן הִימְל, אוּן עֶר הָאט גֶענֶעעֶנְט אוּן אַוֶועקְגֶעקַייקְלְט דֶעם שְׁטֵיין, אוּן הָאט זִיךְ אוֹיף אִים גֶעזֶעצְט. 3 זַיין אוֹיסְזֶען אִיז גֶעוֶוען וִוי אַ בְּלִיץ, אוּן זַיין גֶעוַואנְט וַוייס וִוי שְׁנֵיי. 4 אוּן פוּן פַּחַד פַאר אִים הָאבְּן דִי שׁוֹמְרִים גֶעצִיטֶערְט, אוּן זֶענֶען גֶעוָוארְן וִוי מֵתִים. 5 אוּן דֶער מַלְאַךְ הָאט זִיךְ אָנגֶערוּפְן צוּ דִי פְרוֹיעֶן: הָאט נִיט קֵיין מוֹרֶא; וָוארִים אִיךְ וֵוייס, אַז אִיר זוּכְט יֵשׁוּעַ, וָואס אִיז גֶעקְרֵייצִיקְט גֶעוָוארְן. 6 עֶר אִיז דָא נִיטָא; וָוארִים עֶר אִיז אוֹיפְגֶעשְׁטַאנֶען תְּחִיַת־הַמֵתִים, אַזוֹי וִוי עֶר הָאט גֶעזָאגְט. קוּמְט, זֶעט דָאס אָרְט, וואוּ דֶער הַאר אִיז גֶעלֶעגְן. 7 אוּן גֵייט גֶעשְׁוִוינְד אוּן זָאגְט זֵיינֶע תַּלְמִידִים, אַז עֶר אִיז אוֹיפְגֶעשְׁטַאנֶען תְּחִיַת־הַמֵתִים. אוּן אָט גֵייט עֶר אַייךְ פָארוֹיס קֵיין גָלִיל; דָארְט וֶועט אִיר אִים זֶען. זֶעט, אִיךְ הָאבּ עֶס אַייךְ אָנגֶעזָאגְט. 8 אוּן זֵיי זֶענֶען גֶעשְׁוִוינְד אַוֶועק פוּן דֶעם קֵבֶר מִיט מוֹרֶא אוּן גְרוֹיס שִׂמְחָה, אוּן זֶענֶען גֶעלָאפְן מוֹדִיעַ זַיין זַיינֶע תַּלְמִידִים. 9 עֶרשְׁט יֵשׁוּעַ הָאט זֵיי בַּאגֶעגְנְט, אוּן גֶעזָאגְט: שָׁלוֹם־עַלֵיכֶם! אוּן זֵיי הָאבְּן גֶענֶעעֶנְט אוּן אִים אַרוּמְגֶענוּמֶען בַּיי זַיינֶע פִיס, אוּן הָאבְּן זִיךְ גֶעבּוּקְט צוּ אִים. 10 דֶעמָאלְט הָאט יֵשׁוּעַ צוּ זֵיי גֶעזָאגְט: הָאט נִיט קֵיין מוֹרֶא; גֵייט אוּן זָאגְט צוּ מַיינֶע בְּרִידֶער, אַז זֵיי זָאלְן גֵיין קֵיין גָלִיל, אוּן דָארְט וֶועלְן זֵיי מִיךְ זֶען.
11 אוּן בְּעֵת זֵיי זֶענֶען אַוֶועקְגֶעגַאנְגֶען, עֶרשְׁט עֶטְלֶעכֶע פוּן דֶער וַואך זֶענֶען גֶעקוּמֶען אִין דֶער שְׁטָאט אַרַיין, אוּן הָאבְּן דֶערְצֵיילְט דִי רָאשֵׁי־כֹּהַנִים אַלְצְדִינְג, וָואס ס׳אִיז גֶעשֶׁען. 12 אוּן נָאכְדֶעם וִוי זֵיי הָאבְּן זִיךְ פַארְזַאמְלְט מִיט דִי זְקֵנִים, הָאבְּן זֵיי זִיךְ אַן עֵצָה גֶעהַאלְטְן, אוּן גֶעגֶעבְּן אַ סַך גֶעלְט דִי זֶעלנֶער, 13 אוּן גֶעזָאגְט: אִיר זָאלְט זָאגְן, אַז זַיינֶע תַּלְמִידִים זֶענֶען גֶעקוּמֶען בַּיינַאכְט אוּן הָאבְּן אִים אַוֶועקְגֶעגַנְבֶעט, בְּעֵת מִיר זֶענֶען גֶעשְׁלָאפְן. 14 אוּן אוֹיבּ דָאס וֶועט דֶערְגֵיין צוּם פְּרָאקוּרַאטָארְס אוֹיעֶרן, וֶועלְן מִיר אִים אִיבֶּערְרֶעדְן, אוּן אִיר וֶועט נִיט הָאבְּן וָואס זִיךְ צוּ זָארְגְן. 15 אוּן זֵיי הָאבְּן גֶענוּמֶען דָאס גֶעלְט, אוּן הָאבְּן גֶעטָאן וִוי מֶע הָאט מִיט זֵיי אַיינְגֶעחַזְרְט; אוּן דִי דָאזִיקֶע שְׁמוּעָה הָאט זִיךְ פַארְשְׁפְּרֵייט צְוִוישְׁן יִידְן בִּיזְן הַיינְטִיקְן טָאג.
16 אוּן דִי עֶלְף תַּלְמִידִים זֶענֶען גֶעגַאנְגֶען קֵיין גָלִיל, צוּם בַּארְג, וואוּ יֵשׁוּעַ הָאט זֵיי בַּאפוֹילְן. 17 אוּן אַז זֵיי הָאבְּן אִים דֶערְזֶען, הָאבְּן זֵיי זִיךְ גֶעבּוּקְט פַאר אִים; אָבֶּער עֶטְלֶעכֶע זֶענֶען גֶעוֶוען מְסוּפָּק. 18 אוּן יֵשׁוּעַ הָאט גֶענֶעעֶנְט אוּן הָאט צוּ זֵיי גֶערֶעדְט, אַזוֹי צוּ זָאגְן: מִיר אִיז גֶעגֶעבְּן גֶעוָוארְן דִי גַאנְצֶע מַאכְט אִין הִימְל אוּן אוֹיף דֶער עֶרְד. 19 גֵייט דֶערִיבֶּער אוּן שְׁטֶעלְט אוֹיף תַּלְמִידִים פוּן אַלֶע אוּמוֹת, אוּן טוֹבֵלְט זֵיי אִין דֶעם נָאמֶען פוּן דֶעם פָאטֶער, אוּן פוּן דֶעם זוּן, אוּן פוּן דֶעם רוּחַ־הַקוֹדֶשׁ, 20 אוּן לֶערְנְט זֵיי אָפּצוּהִיטְן אַלְצְדִינְג, וָואס אִיךְ הָאבּ אַייךְ גֶעבָּאטְן. אוּן אָט בִּין אִיךְ מִיט אַייךְ אַלֶע טֶעג, בִּיז צוּם סוֹף פוּן דֶער וֶועלְט.
עברית
1 וַיְהִי אַחַר הַשַּׁבָּת לִפְנוֹת־בֹּקֶר בְּאֶחָד־בַּשַּׁבָּת וַתָּבֹא מִרְיָם הַמַּגְדָּלִית וּמִרְיָם הָאַחֶרֶת לִרְאוֹת אֶת־הַקָּבֶר׃ 2 וַיְהִי רַעַשׁ גָּדוֹל כִּי־מַלְאַךְ יְהוָֹה יָרַד מִן־הַשָּׁמַיִם וַיָּבֹא וַיָּגֶל אֶת־הָאֶבֶן מִן־הַפֶּתַח וַיֵּשֶׁב עָלֶיהָ׃ 3 וּמַרְאֵהוּ כַּבָּרָק וּלְבוּשׁוֹ לָבָן כַּשָּׁלֶג׃ 4 וּמֵאֵימָתוֹ אַנְשֵׁי הַמִּשְׁמָר נִבְהָלוּ וַיִּהְיוּ כַּמֵּתִים׃ 5 וַיַּעַן הַמַּלְאָךְ וַיֹּאמֶר אֶל־הַנָּשִׁים אַל־תִּירֶאןָ הֵן יָדַעְתִּי כִּי אֶת־יֵשׁוּעַ הַנִּצְלָב תְּבַקֵּשְׁנָה׃ 6 אֵינֶנּוּ פֹה כִּי הוּא קָם כַּאֲשֶׁר אָמָר בֹּאנָה וּרְאֶינָה אֶת־הַמָּקוֹם אֲשֶׁר שָׁכַב־שָׁם הָאָדוֹן׃ 7 וּמִהַרְתֶּן אֶל־תַּלְמִידָיו וַאֲמַרְתֶּן כִּי הוּא קָם מִן־הַמֵּתִים וְהִנֵּה הוּא הוֹלֵךְ לִפְנֵיכֶם הַגָּלִילָה וְשָׁם תִּרְאוּ אֹתוֹ הִנֵּה אָמַרְתִּי לָכֶן׃ 8 וַתֵּצֶאנָה כְּרֶגַע מִן־הַקֶּבֶר בְּיִרְאָה וּבְשָׂשׂוֹן רָב וַתָּרֹצְנָה לְהַגִּיד לְתַלְמִידָיו׃ 9 הֵנָּה הֹלְכוֹת לְסַפֵּר אֶל־תַּלְמִידָיו וַיֵּרָא אֲלֵיהֶן יֵשׁוּעַ וַיֹּאמֶר שָׁלוֹם וַתִּגַּשְׁנָה וַתֹּאחַזְנָה בְרַגְלָיו וַתִּשְׁתַּחֲוֶיןָ לוֹ׃ 10 וַיֹּאמֶר אֲלֵיהֶן יֵשׁוּעַ אַל־תִּירֶאנָה לֵכְנָה הַגֵּדְנָה לְאַחַי כִּי יֵלְכוּ הַגָּלִילָה וְשָׁם יִרְאוּנִי׃
11 וַיְהִי בְּלֶכְתָּן וְהִנֵּה אֲנָשִׁים מֵאַנְשֵׁי הַמִּשְׁמָר בָּאוּ הָעִירָה וַיַּגִּידוּ לְרָאשֵׁי הַכֹּהֲנִים אֶת־כֹּל אֲשֶׁר קָרָה׃ 12 וַיִּקָּהֲלוּ עִם־הַזְּקֵנִים וַיִּוָּעֲצוּ וַיִּתְּנוּ־כֶסֶף רָב אֶל־אַנְשֵׁי הַצָּבָא לֵאמֹר׃ 13 אִמְרוּ כִּי־בָאוּ תַלְמִידָיו לָיְלָה וַיִּגְנְבֻהוּ בְּעוֹד אֲנַחְנוּ יְשֵׁנִים׃ 14 וְכִי־יִשָּׁמַע הַדָּבָר לְאָזְנֵי הַפֶּחָה אֲנַחְנוּ נְדַבֵּר עַל־לִבּוֹ וְהָיִינוּ לְמָגֵן לָכֶם מִכָּל־רָע׃ 15 וַיִּקְחוּ אֶת־הַכֶּסֶף וַיַּעֲשׂוּ כַּאֲשֶׁר שָׂמוּ בְּפִיהֶם וְהַשְּׁמוּעָה הַזֹּאת יָצְאָה בֵּין הַיְּהוּדִים עַד הַיּוֹם הַזֶּה׃
16 וְאַחַד עָשָׂר הַתַּלְמִידִים הָלְכוּ הַגָּלִילָה אֶל־הָהָר הַהוּא אֲשֶׁר יָעַד לָהֶם יֵשׁוּעַ׃ 17 וַיְהִי כִּרְאוֹתָם אֹתוֹ וַיִּשְׁתַּחֲווּ־לוֹ וְיֵשׁ מֵהֶם פָּסְחוּ עַל־שְׁתֵּי סְעִפִּים׃ 18 וַיִּגַּשׁ יֵשׁוּעַ וַיְדַבֵּר אֲלֵיהֶם לֵאמֹר נִתַּן־לִי כָּל־מִמְשָׁל בַּשָּׁמַיִם וּבָאָרֶץ׃ 19 לְכוּ אֶל־כָּל־הָעַמִּים לְהוֹרֹתָם וְלַעֲשׂתָם לִי לְתַלְמִידִים וּלְטַבֵּל אֹתָם בְּשֵׁם הָאָב וְהַבֵּן וְרוּחַ הַקֹּדֶשׁ׃ 20 וְלִמַּדְתֶּם אֹתָם לִשְׁמֹר אֶת־כָּל־אֲשֶׁר צִוִּיתִי אֶתְכֶם וְהִנֵּה אָנֹכִי אֶהְיֶה עִמָּכֶם עַד־אַחֲרִית הַשָּׁנִים לְעֵת קֵץ הָעוֹלָם אָמֵן׃