Yiddish
Hebrew
אידיש
1 מײַן זון, אַז דו װעסט אָננעמען מײַנע װערטער, און מײַנע געבאָט װעסטו באַהאַלטן בײַ זיך, 2 צוצולײגן צו חכמה דײַן אױער, נײַגן דײַן האַרץ צו פֿאַרשטאַנדיקײט; 3 נאָר בלױז צום שׂכל װעסטו רופֿן, צו פֿאַרשטאַנדיקײט אױפֿהײבן דײַן קָול; 4 אַז דו װעסט זי זוכן װי זילבער, און װי נאָך אוֹצרות זי פֿאָרשן; 5 דענצמאָל װעסטו פֿאַרשטײן מורא פֿאַר יהוה, און דערקענונג פֿון גאָט װעסטו געפֿינען. 6 װאָרום יהוה שענקט חכמה, פֿון זײַן מױל איז װיסן און פֿאַרשטאַנדיקײט. 7 ער באַהאַלט פֿאַר די רעכטפֿאַרטיקע הילף, אַ שילד פֿאַר די װאָס גײען מיט ערלעכקײט, 8 אױפֿצופּאַסן די שטעגן פֿון גערעכטיקײט, און די װעגן פֿון זײַנע פֿרומע באַהיט ער. 9 דענצמאָל װעסטו פֿאַרשטײן גערעכטיקײט און רעכטאון יושר – יעטװעדער גוטן װעג. 10 װאָרום חכמה װעט קומען אין דײַן האַרצן, און װיסן װעט זײַן זיס פֿאַר דײַן זעל. 11 קלוגשאַפֿט װעט אױפֿפּאַסן אױף דיר, פֿאַרשטאַנדיקײט װעט דיך באַהיטן; 12 דיך מציל צו זײַן פֿון דעם שלעכטן װעג, פֿון די לײַט װאָס רעדן פֿאַרקערטקײט; 13 װאָס פֿאַרלאָזן די שטעגן פֿון רעכטפֿאַרטיקײט, צו גײן אין די װעגן פֿון פֿינצטערניש; 14 װאָס פֿרײען זיך צו טאָן בײז, װאָס קװעלן פֿון בײזער פֿאַרקערטקײט; 15 װאָס זײערע װעגן זײַנען קרום, און װאָס זײַנען פֿאַרדרײט אין זײערע גענג. 16 כּדי דיך מציל צו זײַן פֿון דער פֿרעמדער פֿרױ, פֿון דער אומבאַקענטער װאָס מאַכט גלאַט אירע רײד; 17 װאָס פֿאַרלאָזט דעם האַר פֿון איר יוגנט, און דעם בונד פֿון איר גאָט האָט זי פֿאַרגעסן; 18 װאָרום איר הױז נידערט צום טױט, און אירע שטעגן צו די מתים; 19 אַלע װאָס קומען צו איר, קערן זיך ניט אום, און דערגרײכן ניט די װעגן פֿון לעבן. 20 כּדי זאָלסט גײן אין דעם װעג פֿון די גוטע, און די שטעגן פֿון די גערעכטע זאָלסטו אָפּהיטן. 21 װאָרום די רעכטפֿאַרטיקע װעלן באַװױנען דאָס לאַנד, און די אומשולדיקע װעלן בלײַבן דערין. 22 אָבער די רשָעים װעלן פֿאַרשניטן װערן פֿון לאַנד, און די פֿעלשער װעלן אַרױסגעריסן װערן פֿון איר.
עברית
1 בְּ֭נִי אִם־תִּקַּ֣ח אֲמָרָ֑י וּ֝מִצְוֺתַ֗י תִּצְפֹּ֥ן אִתָּֽךְ׃ 2 לְהַקְשִׁ֣יב לַֽחָכְמָ֣ה אָזְנֶ֑ךָ תַּטֶּ֥ה לִ֝בְּךָ֗ לַתְּבוּנָֽה׃ 3 כִּ֤י אִ֣ם לַבִּינָ֣ה תִקְרָ֑א לַ֝תְּבוּנָ֗ה תִּתֵּ֥ן קוֹלֶֽךָ׃ 4 אִם־תְּבַקְשֶׁ֥נָּה כַכָּ֑סֶף וְֽכַמַּטְמוֹנִ֥ים תַּחְפְּשֶֽׂנָּה׃ 5 אָ֗ז תָּ֭בִין יִרְאַ֣ת יְהוָ֑ה וְדַ֖עַת אֱלֹהִ֣ים תִּמְצָֽא׃ 6 כִּֽי־יְ֭הוָה יִתֵּ֣ן חָכְמָ֑ה מִ֝פִּ֗יו דַּ֣עַת וּתְבוּנָֽה׃ 7 וצפן לַ֭יְשָׁרִים תּוּשִׁיָּ֑ה מָ֝גֵ֗ן לְהֹ֣לְכֵי תֹֽם׃ 8 לִ֭נְצֹר אָרְח֣וֹת מִשְׁפָּ֑ט וְדֶ֖רֶךְ חסידו יִשְׁמֹֽר׃ 9 אָ֗ז תָּ֭בִין צֶ֣דֶק וּמִשְׁפָּ֑ט וּ֝מֵישָׁרִ֗ים כָּל־מַעְגַּל־טֽוֹב׃ 10 כִּֽי־תָב֣וֹא חָכְמָ֣ה בְלִבֶּ֑ךָ וְ֝דַ֗עַת לְֽנַפְשְׁךָ֥ יִנְעָֽם׃ 11 מְ֭זִמָּה תִּשְׁמֹ֥ר עָלֶ֗יךָ תְּבוּנָ֥ה תִנְצְרֶֽכָּה׃ 12 לְ֭הַצִּ֣ילְךָ מִדֶּ֣רֶךְ רָ֑ע מֵ֝אִ֗ישׁ מְדַבֵּ֥ר תַּהְפֻּכֽוֹת׃ 13 הַ֭עֹ֣זְבִים אָרְח֣וֹת יֹ֑שֶׁר לָ֝לֶ֗כֶת בְּדַרְכֵי־חֹֽשֶׁךְ׃ 14 הַ֭שְּׂמֵחִים לַעֲשׂ֥וֹת רָ֑ע יָ֝גִ֗ילוּ בְּֽתַהְפֻּכ֥וֹת רָֽע׃ 15 אֲשֶׁ֣ר אָרְחֹתֵיהֶ֣ם עִקְּשִׁ֑ים וּ֝נְלוֹזִ֗ים בְּמַעְגְּלוֹתָֽם׃ 16 לְ֭הַצִּ֣ילְךָ מֵאִשָּׁ֣ה זָרָ֑ה מִ֝נָּכְרִיָּ֗ה אֲמָרֶ֥יהָ הֶחֱלִֽיקָה׃ 17 הַ֭עֹזֶבֶת אַלּ֣וּף נְעוּרֶ֑יהָ וְאֶת־בְּרִ֖ית אֱלֹהֶ֣יהָ שָׁכֵֽחָה׃ 18 כִּ֤י שָׁ֣חָה אֶל־מָ֣וֶת בֵּיתָ֑הּ וְאֶל־רְ֝פָאִ֗ים מַעְגְּלֹתֶֽיהָ׃ 19 כָּל־בָּ֭אֶיהָ לֹ֣א יְשׁוּב֑וּן וְלֹֽא־יַ֝שִּׂ֗יגוּ אָרְח֥וֹת חַיִּֽים׃ 20 לְמַ֗עַן תֵּ֭לֵךְ בְּדֶ֣רֶךְ טוֹבִ֑ים וְאָרְח֖וֹת צַדִּיקִ֣ים תִּשְׁמֹֽר׃ 21 כִּֽי־יְשָׁרִ֥ים יִשְׁכְּנוּ אָ֑רֶץ וּ֝תְמִימִ֗ים יִוָּ֥תְרוּ בָֽהּ׃ 22 וּ֭רְשָׁעִים מֵאֶ֣רֶץ יִכָּרֵ֑תוּ וּ֝בוֹגְדִ֗ים יִסְּח֥וּ מִמֶּֽנָּה׃   פ