Yiddish
Hebrew
אידיש
1 פֿון דָוִדן. טו מיר רעכט, גאָט, װאָרום איך בין געגאַנגען אין מײַן ערלעכקײט, און איך האָב מיך פֿאַרזיכערט אױף גאָט, זיך ניט געװאַקלט. 2 פּרוּװ מיך, גאָט, און פּרוביר מיך, לײַטער מײַנע נירן און מײַן האַרץ. 3 װאָרום דײַן חֶסד איז פֿאַר מײַנע אױגן, און איך גײ אין דײַן אמת. 4 איך בין ניט געזעסן מיט פֿאַלשע מענטשן, און מיט פֿאַרשטעלטע קום איך ניט צונױף. 5 איך האָב פֿײַנט דאָס געזעמל פֿון שלעכטסטוער, און מיט רשָעים טו איך ניט זיצן. 6 איך װאַש אין רײנקײט מײַנע הענט, און איך גײ אַרום דײַן מזבח, גאָט, 7 צו לאָזן הערן אַ קָול פֿון דאַנק, און צו דערצײלן אַלע דײַנע װוּנדער. 8 גאָט, איך האָב ליב די װױנונג פֿון דײַן הױז, און דעם אָרט פֿון דער רוּונג פֿון דײַן כּבֿוד. 9 זאָלסט ניט אײַנטאָן מיט זינדיקע מײַן זעל, און מיט בלוטיקע לײַט מײַן לעבן, 10 װאָס אין זײערע הענט איז ליסטיקײט, און זײער רעכטע איז פֿול שוחד. 11 אָבער איך גײ אין מײַן ערלעכקײט; לײז מיך אױס, און לײַטזעליק מיך. 12 װען מײַן פֿוס שטײט אױף גלײַכן, װעל איך אין געזעמלען לױבן גאָט.
עברית
1 לְדָוִ֨ד שָׁפְטֵ֤נִי יְהוָ֗ה כִּֽי־אֲ֭נִי בְּתֻמִּ֣י הָלַ֑כְתִּי וּבַיהוָ֥ה בָּ֝טַ֗חְתִּי לֹ֣א אֶמְעָֽד׃ 2 בְּחָנֵ֣נִי יְהוָ֣ה וְנַסֵּ֑נִי צרופה כִלְיוֹתַ֣י וְלִבִּֽי׃ 3 כִּֽי־חַ֭סְדְּךָ לְנֶ֣גֶד עֵינָ֑י וְ֝הִתְהַלַּ֗כְתִּי בַּאֲמִתֶּֽךָ׃ 4 לֹא־יָ֭שַׁבְתִּי עִם־מְתֵי־שָׁ֑וְא וְעִ֥ם נַ֝עֲלָמִ֗ים לֹ֣א אָבֽוֹא׃ 5 שָׂ֭נֵאתִי קְהַ֣ל מְרֵעִ֑ים וְעִם־רְ֝שָׁעִ֗ים לֹ֣א אֵשֵֽׁב׃ 6 אֶרְחַ֣ץ בְּנִקָּי֣וֹן כַּפָּ֑י וַאֲסֹבְבָ֖ה אֶת־מִזְבַּחֲךָ֣ יְהוָֽה׃ 7 לַ֭שְׁמִעַ בְּק֣וֹל תּוֹדָ֑ה וּ֝לְסַפֵּ֗ר כָּל־נִפְלְאוֹתֶֽיךָ׃ 8 יְֽהוָ֗ה אָ֭הַבְתִּי מְע֣וֹן בֵּיתֶ֑ךָ וּ֝מְק֗וֹם מִשְׁכַּ֥ן כְּבוֹדֶֽךָ׃ 9 אַל־תֶּאֱסֹ֣ף עִם־חַטָּאִ֣ים נַפְשִׁ֑י וְעִם־אַנְשֵׁ֖י דָמִ֣ים חַיָּֽי׃ 10 אֲשֶׁר־בִּידֵיהֶ֥ם זִמָּ֑ה וִֽ֝ימִינָ֗ם מָ֣לְאָה שֹּֽׁחַד׃ 11 וַ֭אֲנִי בְּתֻמִּ֥י אֵלֵ֗ךְ פְּדֵ֣נִי וְחָנֵּֽנִי׃ 12 רַ֭גְלִי עָֽמְדָ֣ה בְמִישׁ֑וֹר בְּ֝מַקְהֵלִ֗ים אֲבָרֵ֥ךְ יְהוָֽה׃