Yiddish
1
אִין יֶענֶע טֶעג, בְּעֵת סֶע הָאט זִיךְ וִוידֶער פַארְזַאמְלְט אַ גְרוֹיסֶער עוֹלָם, אוּן זֵיי הָאבְּן נִישְׁט גֶעהַאט וָואס צוּ עֶסְן, הָאט עֶר גֶערוּפְן צוּ זִיךְ זַיינֶע תַּלְמִידִים, אוּן הָאט צוּ זֵיי גֶעזָאגְט:
2
עֶס אִיז מִיר אַ רַחֲמָנוּת אוֹיפְן פָאלְק, וָוארִים זֵיי זֶענֶען מִיט מִיר שׁוֹין דְרַיי טֶעג, אוּן הָאבְּן נִישְׁט וָואס צוּ עֶסְן.
3
אוּן אוֹיבּ אִיךְ זָאל זֵיי אַהֵיימְשִׁיקְן אוּמְגֶעגֶעסְן, וֶועלְן זֵיי נָאךְ חַלְשְׁן אוֹיפְן וֶועג; אוּן טֵייל פוּן זֵיי קוּמֶען אוֹיךְ פוּן וַוייט.
4
אוּן זַיינֶע תַּלְמִידִים הָאבְּן אִים גֶעעֶנְטְפֶערְט: פוּן וַואנֶען קָאן מֶען זֵיי דָא אִין דֶער מִדְבָּר זֶעטִיקְן מִיט בְּרוֹיט?
5
הָאט עֶר זֵיי גֶעפְרֶעגְט: וִויפְל לַאבְּן בְּרוֹיט הָאט אִיר? הָאבְּן זֵיי גֶעזָאגְט: זִיבְּן.
6
אוּן עֶר הָאט גֶעהֵייסְן דֶעם עוֹלָם זִיךְ אַנִידֶערְזֶעצְן אוֹיף דֶער עֶרְד; אוּן עֶר הָאט גֶענוּמֶען דִי זִיבְּן בְּרוֹיט אוּן הָאט אַ בְּרָכָה גֶעמַאכְט, אוּן עֶר הָאט זֵיי אִיבֶּערְגֶעבְּרָאכְן, אוּן גֶעגֶעבְּן זַיינֶע תַּלְמִידִים, צוּ גְרֵייטְן פַאר זֵיי. אוּן זֵיי הָאבְּן עֶס דֶערְלַאנְגְט דֶעם עוֹלָם.
7
אוּן זֵיי הָאבְּן אוֹיךְ גֶעהַאט עֶטְלֶעכֶע קְלֵיינֶע פִישְׁלֶעך; אוּן נָאכְדֶעם וִוי עֶר הָאט אִיבֶּער זֵיי אַ בְּרָכָה גֶעמַאכְט, הָאט עֶר גֶעהֵייסְן, מֶע זָאל אוֹיךְ זֵיי דֶערְלַאנְגֶען.
8
אוּן זֵיי הָאבְּן גֶעגֶעסְן, אוּן זֶענֶען זַאט גֶעוָוארְן; אוּן זֵיי הָאבְּן צוּנוֹיפְגֶעקְלִיבְּן פוּן דִי אִיבֶּערְגֶעבְּלִיבֶּענֶע בְּרֶעקְלֶעך, זִיבְּן קֶערְבּ.
9
אוּן זֵיי זֶענֶען גֶעוֶוען אַן עֶרֶךְ פוּן פִיר טוֹיזְנְט מֶענְטְשְׁן. אוּן עֶר הָאט זֵיי אַוֶועקְגֶעשִׁיקְט;
10
אוּן תֵּיכֵּף אִיז עֶר אַרַיין אִין אַ שִׁיף מִיט זַיינֶע תַּלְמִידִים, אוּן אִיז אָנְגֶעקוּמֶען אִין דִי קָאנְטְן פוּן דַלְמָנוּתָא.
11
אוּן דִי פְּרוּשִׁים זֶענֶען אַרוֹיסְגֶעקוּמֶען, אוּן הָאבְּן אָנְגֶעהוֹיבְּן מִיט אִים אַ וִויכּוּחַ, אוּן פַארְלַאנְגְט פוּן אִים אַ צֵייכְן פוּן הִימְל, כְּדֵי אִים צוּ פְּרוּאוְון.
12
אוּן עֶר הָאט טִיף אָפְּגֶעזִיפְצְט אִין זַיין גֶעמִיט, אוּן גֶעזָאגְט: פַארְוָואס זוּכְט דֶער דָאזִיקֶער דוֹר אַ צֵייכְן? בֶּאֱמֶת, אִיךְ זָאג אַייךְ, דֶעם דָאזִיקְן דוֹר וֶועט נִישְׁט גֶעגֶעבְּן וֶוערְן קֵיין שׁוּם צֵייכְן.
13
אוּן עֶר הָאט זֵיי פַארְלָאזְט, אוּן אִיז וִוידֶער אַרַיינְגֶעגַאנְגֶען אִין דֶער שִׁיף, אוּן אִיז אַרִיבֶּערְגֶעפָארְן אוֹיף דֶער אַנְדֶערֶער זַייט.
14
אוּן זֵיי הָאבְּן פַארְגֶעסְן מִיטְצוּנֶעמֶען בְּרוֹיט, אוּן הָאבְּן נִישְׁט גֶעהַאט מֶער וִוי אֵיין בְּרוֹיט אִין דֶער שִׁיף.
15
אוּן עֶר הָאט זֵיי גֶעוָוארְנְט: גִיט אַכְטוּנג, אוּן הִיט אַייךְ פַאר דֶעם זוֹיעֶרְטֵייג פוּן דִי פְּרוּשִׁים אוּן פַאר דֶעם זוֹיעֶרְטֵייג פוּן הוֹרְדוֹס,
16
אוּן זֵיי הָאבְּן גֶערֶעדְט צוּוִוישְׁן זִיךְ אֵיינֶער מִיטְן אַנְדֶערְן, אוּן גֶעזָאגְט: מִיר הָאבְּן נִישְׁט קֵיין בְּרוֹיט.
17
אוּן יֵשׁוּעַ הָאט עֶס בַּאמֶערְקְט, אוּן צוּ זֵיי גֶעזָאגְט: וָואס אַמְפֶּערְט אִיר אַייךְ, וָואס אִיר הָאט נִישְׁט קֵיין בְּרוֹיט? צִי קָאנְט אִיר נָאךְ אַלְץ נִישְׁט מֶערְקְן אוּן פַארְשְׁטֵיין? אִיז אַייעֶר הַארְץ פַארְהַארְטֶעוֶועט?
18
אִיר הָאט אוֹיגְן אוּן זֶעט נִישְׁט, אוּן אִיר הָאט אוֹיעֶרְן, אוּן הֶערְט נִישְׁט?
19
אוּן גֶעדֶענְקְט אִיר נִישְׁט, בְּעֵת אִיךְ הָאבּ צֶעבְּרָאכְן דִי פִינְף בְּרוֹיט פַאר דִי פִינְף טוֹיזְנְט, וִויפְל פוּלֶע קֶערְבּ מִיט בְּרֶעקְלֶעך הָאט אִיר צוּנוֹיפְגֶעקְלִיבְּן? זָאגְן זֵיי צוּ אִים: צְוֶועלְף.
20
אוּן בְּעֵת אִיךְ הָאבּ צֶעבְּרָאכְן דִי זִיבְּן פַאר דִי פִיר טוֹיזְנְט, וִויפְל פוּלֶע קֶערְבּ מִיט בְּרֶעקְלֶעך הָאט אִיר צוּנוֹיפְגֶעקְלִיבְּן? זָאגְן זֵיי צוּ אִים: זִיבְּן.
21
הָאט עֶר צוּ זֵיי גֶעזָאגְט: טָא פַארְוָואס פַארְשְׁטֵייט אִיר נִישְׁט?
22
אוּן זֵיי זֶענֶען גֶעקוּמֶען קֵיין בֵּית־צַידָה. אוּן מֶען הָאט צוּ אִים גֶעבְּרַאכְט אַ בְּלִינְדְן, אוּן אִים גֶעבֶּעטְן, אַז עֶר זָאל אִים אָנְרִירְן.
23
אוּן עֶר הָאט אָנְגֶענוּמֶען דֶעם בְּלִינְדְן בַּיי דֶער הַאנְט, אוּן הָאט אִים אַרוֹיסְגֶעפִירְט פוּן דָארְף; אוּן אַז עֶר הָאט אַ שְׁפַּיי גֶעטָאן אוֹיף זַיינֶע אוֹיגְן, הָאט עֶר אַרוֹיפְגֶעלֵייגְט זַיינֶע הֶענְט אוֹיף אִים, אוּן אִים גֶעפְרֶעגְט: זֶעסְטוּ עֶפֶּעס?
24
אוּן עֶר הָאט אַ קוּק גֶעגֶעבְּן, אוּן גֶעזָאגְט: אִיךְ זֶע מֶענְטְשְׁן, וִוי בֵּיימֶער זֶע אִיךְ זֵיי אַרוּמְגֵיין.
25
דֶערְנָאךְ הָאט עֶר וִוידֶער אַרוֹיפְגֶעלֵייגְט דִי הֶענְט אוֹיף זַיינֶע אוֹיגְן; אוּן עֶר הָאט שַׁארְף גֶעקוּקְט, אוּן אִיז גֶעהֵיילְט גֶעוָוארְן, אוּן הָאט אַלְץ גֶעזֶען קְלָאר.
26
אוּן עֶר הָאט אִים אַהֵיימְגֶעשִׁיקְט, אוּן גֶעזָאגְט: גֵיי אֲפִילוּ אִין דָארְף נִישְׁט אַרַיין.
27
אוּן יֵשׁוּעַ אִיז אַרוֹיסְגֶעגַאנְגֶען מִיט זַיינֶע תַּלְמִידִים אִין דִי דֶערְפֶער פוּן קֵיסַרְיָה פוּן פִילִיפּוּס; אוּן אוֹיפְן וֶועג הָאט עֶר גֶעפְרֶעגְט זַיינֶע תַּלְמִידִים: וֶוער, זָאגְן דִי מֶענְטְשְׁן, בִּין אִיךְ?
28
הָאבְּן זֵיי אִים גֶעעֶנְטְפֶערְט: יוֹחָנָן הַמַטְבִּיל; אוּן אַנְדֶערֶע, אֵלִיָהוּ; אוּן אַנְדֶערֶע וִוידֶער, אֵיינֶער פוּן דִי נְבִיאִים.
29
הָאט עֶר זֵיי גֶעפְרֶעגְט: אִיר אָבֶּער, וֶוער זָאגְט אִיר, בִּין אִיךְ? אוּן פֶּעטְרוֹס הָאט גֶעעֶנְטְפֶערְט, אוּן צוּ אִים גֶעזָאגְט: דוּ בִּיסְט דֶער מָשִׁיחַ!
30
אוּן עֶר הָאט זֵיי אָנְגֶעזָאגְט, אַז זֵיי זָאלְן קֵיינֶעם נִישְׁט דֶערְצֵיילְן וֶועגְן אִים.
31
אוּן עֶר הָאט מִיט זֵיי אָנְגֶעהוֹיבְּן צוּ לֶערְנֶען, אַז דֶער בֶּן־אָדָם מוּז לַיידְן אַ סַך, אוּן פַארְוָוארְפְן וֶוערְן פוּן דִי זְקֵנִים, אוּן דִי רָאשֵׁי־כֹּהַנִים, אוּן דִי סוֹפְרִים, אוּן גֶעטֵייט וֶוערְן, אוּן נָאךְ דְרַיי טֶעג וֶועט עֶר וִוידֶער אוֹיפְשְׁטֵיין.
32
אוּן עֶר הָאט דֶערְפוּן אָפְן גֶערֶעדְט. אוּן פֶּעטְרוֹס הָאט אִים גֶענוּמֶען, אוּן הָאט אִים אָנְגֶעהוֹיבְּן צוּ מוּסְרְן.
33
אָבֶּער עֶר הָאט זִיךְ אוֹיסְגֶעדְרֵייט, אוּן קוּקְנְדִיק אוֹיף זַיינֶע תַּלְמִידִים, הָאט עֶר אוֹיסְגֶעמוּסְרְט פֶּעטְרוֹס, אוּן גֶעזָאגְט: קֶער אָפּ פוּן מִיר שָׂטָן! וָוארִים דִיךְ אַרְט נִישְׁט, וָואס אִיז שַׁייךְ גָאט, נַייעֶרְט וָואס אִיז שַׁייךְ מֶענְטְשְׁן.
34
אוּן עֶר הָאט צוּ זִיךְ גֶערוּפְן דָאס פָאלְק אִינְאֵיינֶעם מִיט זַיינֶע תַּלְמִידִים, אוּן הָאט צוּ זֵיי גֶעזָאגְט: וִויל מִיר וֶוער נָאכְגֵיין, זָאל עֶר זִיךְ אַלֵיין פַארְלֵייקֶענֶען, אוּן נֶעמֶען אוֹיף זִיךְ זַיין צְלָב, אוּן מִיר נָאכְגֵיין.
35
וָוארִים וֶוער סֶע וִויל מַצִיל זַיין זַיין לֶעבְּן, וֶועט עֶס פַארְלִירְן; אוּן וֶוער סֶע וֶועט פַארְלִירְן זַיין לֶעבְּן פוּן מַיינֶעטְוֶועגְן אוּן צוּלִיבּ דֶער בְּשׂוּרָה, וֶועט עֶס מַצִיל זַיין.
36
וָוארִים וָואס נוּצְט עֶס דֶעם מֶענְטְשְׁן, וֶוען עֶר זָאל גֶעוִוינֶען דִי גַאנְצֶע וֶועלְט, אוּן פַארְלִירְן זַיין לֶעבְּן?
37
אָדֶער וָואס פַאר אַן אוֹיסְלֵייז קָאן אַ מֶענְטְשׁ גֶעבְּן פַאר זַיין לֶעבְּן?
38
וָוארִים וֶוער עֶס וֶועט זִיךְ שֶׁעמֶען מִיט מִיר אוּן מִיט מַיינֶע רֵייד אִין דֶעם דָאזִיקְן נוֹאֵפְדִיקְן אוּן זִינְדִיקְן דוֹר, וֶועט דֶער בֶּן־אָדָם זִיךְ אוֹיךְ שֶׁעמֶען מִיט אִים, בְּעֵת עֶר וֶועט קוּמֶען אִין דֶער הֶערְלְעכְקַייט פוּן זַיין פָאטֶער מִיט דִי הֵיילִיקֶע מַלְאָכִים.