Yiddish
1
אַז ישׂראל איז אַרױס פֿון מצרַיִם, דאָס הױז פֿון יעקבֿ פֿון אַ װילדשפּראַכיקן פֿאָלק,
2
איז יהוּדה געװאָרן פֿאַר זײַן הײליקטום, ישׂראל זײַן געװעלטיקונג.
3
דער ים האָט דערזען און איז אַנטלאָפֿן, דער ירדן האָט אָפּגעטראָטן אַהינטער.
4
די בערג זײַנען געשפּרונגען װי װידערס, די הײכן װי יונגע שאָף.
5
װאָס איז דיר, ים, װאָס דו לױפֿסט? דו ירדן, װאָס דו טרעטסט אָפּ אַהינטער?
6
איר בערג, װאָס איר שפּרינגט װי װידערס? איר הײכן – װי יונגע שאָף?
7
פֿאַר דעם האַר, טו ציטערן, ערד, פֿאַר דעם גאָט פֿון יעקבֿ,
8
װאָס פֿאַרקערט דעם פֿעלדז אין אַ טײַך װאַסער, קיזלשטײן אין אַ װאַסערקװאַל.